IJAI 1:11 - Bibəl ta Sar̄

¹¹ Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

Bible sar

¹¹ Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

IJAI 1:11 Referans Kwoze

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

MISE 6:7

Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

PĀ GƏ̄ 50:8

M-ə̄ndā najə̄ dɔí tə́ i tām̄ yá̰a̰ tun̄ yāí gə̄ tə́ alé. Yá̰a̰ tun̄ yāí kə́ róō horoó gə̄ ton̄ ta kumḿ tə́ ngándáńg.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

JEREMI 7:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Ī-reēī kə yá̰a̰ tun̄ kə́ yā róō horoó gə̄ dɔ yá̰a̰ tun̄ yāsí gə̄ tə́, ba ə́saī dā̰də́.

MATIYE 22:4

Ni-əla ngé kəla yān kə́ rang gə̄ ɓáý to̰ kəda de gə̄ ní tə́ na, yá̰a̰ kəsa yān na i kə́ rāā kɔ̄ɔ́. Na tɔ̄lə̄n̄ man̄g kə́ bəra gə̄ ō, bə̄yā̰ gə̄ kə batə̄ gə̄ kə́ yembə gə̄ ō. Yá̰a̰ malang na i kə́ rāā oy kɔ̄ɔ́. Ní, kə reēn̄ loo kəsa yá̰a̰ kaw̄ kújú tə́ tā.

PĀ GƏ̄ 40:6

Kɔ́ɔ̄ɓē Nə́ɓā yāḿ, yá̰á̰ ń ī-nóm̄ ō, yá̰á̰ kə́ to kɔr kum gə̄ ń ī-rāā tām̄ yājí tə́ ō ní, i yá̰á̰ kə́ bo ngá̰ý gə̄! De kə́ tītīí gətóo. m̄-gḛy kəda najə̄ yá̰a̰ gə̄ ní ō, tél kəda kə̄ nja naā tə́ ō, tā ba yá̰á̰ kə́ yā kəda gə̄ ní alə̄n̄ naā ngá̰ý.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

Makətūbə̄ yā Aje 2:14

Aje əda na: I beé ní, najə̄ ń Kɔ́ɔ̄ɓē əda ní n toó: I yá̰á̰ kə́ kógə̄ḿ beē tām̄ yā de gə̄ kə́ kem ɓēé ń toō tə́ ō, tām̄ yā kəla malang ń nin̄ rāān̄ tə́ ní ō. Yá̰a̰ malang ń nin̄ ndējə̄mə̄n̄ dɔ loo tun̄ yá̰á̰ tə́ ní, i yá̰á̰ kə́ yḛr.

JAKARI 7:5

yá̰á̰ ń ni tūr̄ əda ní, kə m-ə́dá ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

AMOS 4:5

Ī-róōī mápá kə́ kaa mápa i tū tə́ dɔ loo tun̄ yá̰á̰ tə́, kadə̄ i yá̰a̰ tun̄ yāsí kə́ yā ɓōkə́nń tɔ̄ȳ. Israel gə̄, yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.