HEBƏRO 9:9 - Bibəl ta Sar̄

⁹ Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

Bible sar

⁹ Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

HEBƏRO 9:9 Referans Kwoze

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

Makətūbə̄ ń Pol ndang adə̄ Rom gə̄ ní 5:14

Ɓá tā ba əla gír dɔ Adam tə́ bátə́ ugə̄ń ɓāl̄ yā Moijə tə́ ní, de gə̄ ń rāān̄ majaĺ kə́ tītə̄ yā Adam aĺ ní gə̄gē, yo o̰o̰ ɓē dɔdə́ tə́. Kété ní Adam mbātə́ rāā yá̰á̰ ń Nə́ɓā ədan ní. Ni i kum gotə nge ń sɔɔ̄ kadə̄ a reē ní.

HEBƏRO 11:19

Banī Abəraham gír̄ kadə̄ Nə́ɓā asə ndól̄ de kə́ koy gə̄ karī. Adə̄ i tām̄ ń noō tə́ n tél əngeń ngōnən gogə́ ní. Adə̄ najə̄ yā Isaak ń toō i kūjə́ najə̄ kə́ ɔjə dɔ Kərist.

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

HEBƏRO 7:11

Kəla tun̄ yá̰a̰ yā gír kaa Lebi gə̄ kə gō ndū najə̄ ń adə̄n̄ ngán Israel gə̄ ní. Ba ré kəla ń toō a teē yá̰á̰ kə́ majə ɔtə̄ kə taá ta kum Nə́ɓā tə́ anī, i tām̄ rí tə́ á Nə́ɓā rāā kadə̄ nge tun̄ yá̰á̰ kə́ rang i kə gō jī loo rāā kəla yā Melkisedek tə́ reē? Nge tun̄ yá̰á̰ kə́ rang reē i gō kəla tun̄ yá̰a̰ yā Aaro̰ tə́ alé ba i kə́ gō kəla tun̄ yá̰a̰ yā Melkisedek tə́ ní?

GALATƏ 3:21

I beé tā ní, ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

HEBƏRO 8:4

Nə́ngētə́ gēé Kərist i dɔ nang tə́ laā anī, ni a tél nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā yá̰a̰ ndējə̄ kə gō ndū najə̄ gə̄ ndin̄ laā kɔ̄ɔ́ ɓá.