HEBƏRO 9:7 - Bibəl ta Sar̄

⁷ Ba i ngol ngé tun̄ yá̰a̰ gə̄ ngóy n i nge kudə kem kújə́ tandā kə́ nge ko̰ jōó tə́ ní. Ni a udə kemeé i nja kógə̄ḿ kem ɓāl̄ kógə̄ḿ, kə mósə dā̰á̰ yā ndējə̄ Nə́ɓā tām̄ majaĺ yān nəkɔ́ tə́ ō, yā ngán Israel gə̄ tə́ ō.

Bible sar

⁷ Ba i ngol *ngé tun̄ yá̰a̰ gə̄ ngóy n i nge kudə kem kújə́ tandā kə́ nge ko̰ jōó tə́ ní. Ni a udə kemeé i nja kógə̄ḿ kem ɓāl̄ kógə̄ḿ, kə mósə dā̰á̰ yā ndējə̄ Nə́ɓā tām̄ majaĺ yān nəkɔ́ tə́ ō, yā ngán *Israel gə̄ tə́ ō.

HEBƏRO 9:7 Referans Kwoze

LEBI GƏ̄ 16:34

Nge ń noō i ndū najə̄ kə́ a to ngándáńg tām̄ yāsí tə́. Ā ī-rāāī yá̰á̰ ń ndū najə̄ ń toō əda ní nja kógə̄ḿ kə dɔ ɓāl̄ gə̄, yā kutə̄ń dɔ majaĺ gə̄ malang ń ngán Israel gə̄ rāān̄ ní. Aaro̰ rāā yá̰a̰ malang ń Kɔ́ɔ̄ɓē əda Moijə ní.

LEBI GƏ̄ 5:18

Ni a reē kə bal batə̄ kə́ loon kógə̄ḿ nujə alé, ké asə gō gātə̄ ń a gāngə̄n̄ ní rɔ̄ nge tun̄ yá̰á̰ tə́ kadə̄ ni tun̄ yā kəgāń kə̄rā yá̰á̰ ní. Ré nge tun̄ yá̰a̰ rāā yá̰á̰ kə́ yā kutə̄ń dɔ yá̰á̰ kə́ majaĺ ń ni-rāā gō ger̄ aĺ tə́ oy anī, Nə́ɓā a mā̰ȳ rɔ̄n dɔn tə́.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

Teē Ngán Israel gə̄ 30:10

Aaro̰ a rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ gə̄ kə́ dɔ tə́ tə́ i nja kógə̄ḿ kə dɔ ɓāl̄ gə̄. A rāā mósə dā̰ kə́ tun̄ tām̄ yā majaĺ tə́ tū gajə gə̄ kə́ dɔ loo róō ndujə̄ yá̰á̰ ní tə́ kə dɔ ɓāl̄ gə̄. A ɔrə̄n̄ kam̄ loo róō ndujə̄ yá̰á̰ ní tām̄ yāḿ tə́, a rāānən̄ loo kə́ táĺ ngá̰ý tə́.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 3:12

Kɔ́ɔ̄ɓē əda na: Gír deē yāḿ gə̄, ngé rējə̄sí gə̄ i ngáń kə́ dūú gə̄ ō, i dəyá̰ gə̄ n i ngé ko̰o̰ ɓē dɔsí tə́ gə̄ ō ní. Gír deē yāḿ gə̄, ngé kɔr nosí gə̄ gólə̄n̄sí, nin̄ tɔ̄ɔ̄ aw̄n̄ sesí i kum kə̄ loo kə́ majaĺ tə́.

HEBƏRO 10:3

Banī yá̰á̰ kə́ tun̄ gə̄ ngeé ń toō ní, a ter̄ i kem de gə̄ dɔ majaĺ yādə́ gə̄ tə́ kə dɔ ɓāl̄ gə̄ kanjə̄ dəba.

AMOS 2:14

Ngé ka̰ȳ ngɔ̄də̄ tɔȳ madə̄də́ gə̄ gə̄gē, a asən̄ ka̰ȳ aĺ ō, ngé gə̄ ń tɔ́gə́də́ tɔȳ yā madə̄də́ gə̄ ní gə̄gē, a asən̄ rāā yá̰á̰ kógə̄ḿ aĺ ō, áskar gə̄ kə́ nin̄ gerə̄n̄ rɔ̄ɔ̄ tɔȳ madə̄də́ gə̄gē, a asən̄ kajə rɔ̄də́ aĺ ō.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

PĀ GƏ̄ 95:10

De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́, adə̄ m-ə́da na: I de kə́ dɔdə́ gətóo gə̄, nin̄ gerə̄n̄ róbə yāḿ gə̄ alé.

PĀ GƏ̄ 19:12

Kɔ́ɔ̄ɓē, mā nge kəla yāí m̄-ger̄ yá̰a̰ i kə ta kūl̄də́ ō, rāān̄ seḿ ngá̰ý dan ń m-ún gōdə́ ní ō.

2 YÁ̰A̰ GƏ̄ 33:9

Banī Manase ndóm̄ kə Juda gēé ō, kə de kə́ Jerusalem gēé ō, adə̄ rāān̄ yá̰á̰ kə́ majaĺ tɔȳ yā nápar de gə̄ ń Kɔ́ɔ̄ɓē tɔ̄l̄də́ kɔ̄ɔ́ malang ba əya̰ń loo adə̄ ngán Israel gə̄ ní.

2 SAMUEL 6:7

Anī wōn̄g rāā Kɔ́ɔ̄ɓē seneé adə̄ Kɔ́ɔ̄ɓē əndan tām̄ yā yá̰á̰ kə́ gōtə́ aĺ ń ni-rāā tə́ ní. Uja oy kə̄ loo nəkɔ́ ń noō tə́ kadə sandúkə yā Nə́ɓā tə́.

TƏ́DA 15:25

Nge tun̄ yá̰a̰ a rāā yá̰á̰ kə́ yā kutə̄ń dɔ majaĺ ní dɔ ngán Israel gə̄ tə́. Loo ń noō tə́ Nə́ɓā a mā̰ȳ rɔ̄n dɔdə́ tə́. Tām̄ majaĺ ní i kə́ rāā kə gō kem ndigə yādə́ alé ba nin̄ róōn̄ yá̰a̰ horoó ō, tunə̄n̄ yá̰a̰ ō, ndējə̄n̄ Kɔ́ɔ̄ɓē najə̄n tə́.

EPEJƏ 4:18

Gír̄ yādə́ i gír̄ kə́ kum til tə́. Ndi kə kumuú ń Nə́ɓā adə̄ ní, nin̄ i tū tə́ alé, sɔɔ̄ń ger̄ yá̰a̰ aĺ kə́ ngarān̄g kemdə́ tə́ ō, kem ngan̄g yādə́ ō.

HEBƏRO 6:19

Kəndā ń j-əndāī kemjí dɔ Nə́ɓā tə́ ní, əhɔ ndíĺjí gotə kógə̄ḿ tītə̄ gində̄ kə́ ta ngɔr ngo̰ ń əhɔn̄neé to bo gotə kógə̄ḿ ní. Kəndā kem dɔ tə́ ngeé ń toō ní ra ngan̄g ngá̰ý ō, əndā kūbə̄ ń gāngə̄n̄neé kem kújə yā Kɔ́ɔ̄ɓē kə́ dɔ rā̰ tə́ ní gān̄g, ba aw̄ bátə́ ugə̄ kem loo kə́ táĺ ngá̰ý tə́ ō,

HEBƏRO 9:3

Kemən kə́ nge ko̰ jōó i gidə kūbə̄ gān̄g kem kújə́ kə́ ko̰ jōó tə́. A ɓārə́n̄ kemən kə́ ko̰ jōó ní na i loo kə́ táĺ ngá̰ý.