HEBƏRO 9:2 - Bibəl ta Sar̄

² Adə̄ udən̄ kújə tandā. Kemən kə́ ta kəga dɔ ń a ɓārə́n̄ na i loo kə́ táĺ ní, əndān̄ ɗəra hor ō, tábəl kə́ ɓōkə́n̄ mápá gə̄ kə́ yā ndējə̄n̄ Nə́ɓā dɔ tə́ ō, tū tə́.

Bible sar

² Adə̄ udən̄ kújə tandā. Kemən kə́ ta kəga dɔ ń a ɓārə́n̄ na i *loo kə́ táĺ ní, əndān̄ ɗəra hor ō, tábəl kə́ ɓōkə́n̄ mápá gə̄ kə́ yā ndējə̄n̄ Nə́ɓā dɔ tə́ ō, tū tə́.

HEBƏRO 9:2 Referans Kwoze

Teē Ngán Israel gə̄ 40:4

Ā ī-reē kə tábəl ba ā ī-tə́ndā mápa gə̄ ń ndējə̄mə̄n̄ ní dɔ tə́. Ā ī-reē kə ɗəra hor ń bay hor gə̄ i ta tə́ ní yā kəndā hor ta tə́.

Teē Ngán Israel gə̄ 26:35

A əndān̄ tábəl i kem loo kə́ táĺ tə́ dām̄ mbɔ́r ɓē kə́ ko̰ó̰ tə́ ō, ɗəra hor i kem loo kə́ táĺ tə́ dām̄ mbɔ́r ɓē kə́ geleé tə́ ō, kadə̄ tadə́ sɔɔ̄ naā.

Teē Ngán Israel gə̄ 40:2

Kem nāā kə́ ta kəga dɔ tə́, kə ndɔ̄ nāā kə́ ta kəga dɔɔ́ anī, ā údə́ kújə ndi yāḿ ń i kújə kənge naā ní.

Teē Ngán Israel gə̄ 26:33

A do̰ō̰n̄ kūbə̄ ní i gír nə̄ngá gə̄ tə́. A əndān̄ sandúkə́ ń ndū najə̄ gə̄ yā Nə́ɓā ton̄ kemeé ní i kem loo ń gāngə̄n̄ gír kə kūbə̄ ngeé ń noō ní tə́. Adə̄ kūbə̄ ní a gān̄g gír loo kə́ táĺ naā tə́ kə loo kə́ táĺ ngá̰ý.

Teē Ngán Israel gə̄ 29:35

Yá̰a̰ gə̄ ń ā ī-rāā kə Aaro̰ nin̄ kə ngánən gēé malang ní, ā ī-rāā i tītə̄ ń m-ɔ́jiīneé noō. Ā ə̄ndādə́ kem kəla tun̄ yá̰á̰ tə́ i ndɔ̄ sīrí.

Teē Ngán Israel gə̄ 29:1

Loo kəndā ń ā ə̄ndā Aaro̰ nin̄ kə ngánən gēé kem kəla tun̄ yá̰a̰ yāḿ tə́ ní n toó: Ā ə́hɔ man̄g kə́ bəra kógə̄ḿ ō, bal batə̄ gə̄ jōó ō, kə́ loodə́ kógə̄ḿ nujə alé.

Teē Ngán Israel gə̄ 25:23

A rāān̄ tábəl kógə̄ḿ kə kāgə̄ akasiya kadə̄ ngālən i kíl jōó ō, laan i kíĺ kógə̄ḿ ō, ngālən kə́ kə̄ dɔɔ́ i kíĺ kógə̄ḿ kə núsə ō.

Teē Ngán Israel gə̄ 25:30

A tə́ndān̄ mápa gə̄ ń ndējə̄mə̄n̄ ní i dɔ tábəl ní tə́ kadə̄ ton̄ ta kumḿ tə́ ngándáńg.

Teē Ngán Israel gə̄ 25:31

Gō tə́ anī a rāān̄ ɗəra hor kə lɔ́ŕ kə́ unjə̄ njáý njáý kə́ kənda kə mōó. A rāān̄ nja ɗəra hor ní ō, ta jīn gə̄ ō, bay gə̄ kə́ gíŕ hútə̄n gə̄ tə́ ō, kəron kə́ tə́nī gə̄ ō, hútə̄n gə̄ ō, i tū gində̄ lɔ́ŕ kə́ kógə̄ḿ beē tə́.

Teē Ngán Israel gə̄ 26:1

Ā ī-rāā kújə ndiḿ kə ta kūbə̄ kutə kógə̄ḿ kə́ əjōn̄ kə kəlā lḛ́ḛ́ kə́ ngan̄g gēé. A tə́lan̄ kəlā bḭḭ̄ batə̄ kə́ ndul gusə gusə ō, kə́ kərē bḭḭ ō, kə́ kərē pírírí ō, dan kəlā lḛ́ḛ gə̄ ní tə́ yā rāań de kə́ dɔ rā̰ tə́ kə́ ngé ngɔ̄m̄ loo gə̄ tū kūbə̄ gə̄ ní tə́.

MATIYE 5:15

Deē a əndā hor tū lámbá tə́ i yā sébə kār̄ dɔ tə́ alé, ba i yā naā tū kāgə̄ hor tə́ kadə̄ de gə̄ malang ń ndin̄ kem kújú ní a̰a̰n̄neé loo.

MATIYE 12:4

Ni udə kújə yā Nə́ɓā tə́, əsan̄ mápá kə́ ndējə̄ gə̄ kə madə̄n gēé. Ba ndū najə̄ ɔgə̄n ni ō madə̄n gə̄ ō kəsa mápa gə̄ ní, ba i ngé tun̄ yá̰a̰ gə̄ ngóy n a əsan̄ karī ní.

HEBƏRO 9:25

Ngol ngé tun̄ yá̰a̰ gə̄ ní udə kem loo kə́ táĺ tə́ kə dɔ ɓāl̄ gə̄ i kə mósə dā̰á̰. Banī Kərist udə kemeé i yā kadə̄ rɔ̄n nəkɔ́ yá̰a̰ tun̄ tə́ kə̄ nja naā tə́ alé.