HEBƏRO 8:8 - Bibəl ta Sar̄

⁸ Ba yá̰á̰ kə́ gō tə́ aĺ gə̄ kə́ Nə́ɓā gɔŕyɔ̄ deē yān gə̄ najə̄n tə́ to noó, ni-əda na: Kɔ́ɔ̄ɓē əda na: Ndɔ̄ gə̄ a reēn̄ noó, na n-rāā kadə̄ m-ā m-ə́hɔ madə̄ naā kə́ kijə kə ngán Israel gēé ō, kə ngán Juda gēé ō.

Bible sar

⁸ Ba yá̰á̰ kə́ gō tə́ aĺ gə̄ kə́ Nə́ɓā gɔŕyɔ̄ deē yān gə̄ najə̄n tə́ to noó, ni-əda na: Kɔ́ɔ̄ɓē əda na: Ndɔ̄ gə̄ a reēn̄ noó, na n-rāā kadə̄ m-ā m-ə́hɔ *madə̄ naā kə́ kijə kə ngán *Israel gēé ō, kə ngán *Juda gēé ō.

HEBƏRO 8:8 Referans Kwoze

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

1 KORḚNTƏ 11:25

Dan ń əsan̄ yá̰á̰ gír gān̄g ní a, ni-rāā tītə̄ ń noō kə kópó ō, ba gō tə́ anī əda na: Kópə́ ń toō i madə̄ naā kə́ kijə kə́ Nə́ɓā əhɔ kə de gēé kə ta kūl̄ mósə́ḿ māá. Ī-rāāī yá̰á̰ ń toō yā gírəń dɔḿ tə́ kə dɔ ka̰ȳsí yá̰á̰ kə́ kem kópə ń toō tə́ gə̄ malang.

Najə̄ kə́ Majə yā Jeju ń Luk ndang ní 22:20

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.

JEREMI 31:38

Kem ndɔ̄ gə̄ ń a reēn̄ noó tə́ ní a tél yā rāān̄ ɓē gogə́ rang tām̄ yā Kɔ́ɔ̄ɓē tə́, əla gír dɔ kújə́ kə́ ngāl̄ ɓururu kə̄ dɔɔ́ kə́ Hananel tə́ bátə́ ta róbə́ kə́ kíl ndogə̄ mbal̄ tə́. Najə̄ ń Kɔ́ɔ̄ɓē əda ní n noó.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

MARK 14:24

Ni ədadə́ na: Nge ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 23:7

Najə̄ ń toō ń na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní de gə̄ a ton̄ dan kəda to̰ alé, ba á̰a̰ī, kem ndɔ̄ gə̄ ń a reēn̄ noō tə́ ní.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

Najə̄ kə́ Majə yā Jeju ń Luk ndang ní 17:22

Ni-əda ngé ndóō yá̰a̰ yān gə̄ ɓáý to̰ na: Ndɔ̄ gə̄ a reēn̄ noó kadə̄ sḭḭ̄ ā ī-ndə̄ngāī ka̰a̰ ndɔ̄ kə́ kal kógə̄ḿ beē dan ndɔ̄ gə̄ yā Ngōn̄ Deē tə́, ba ā á̰a̰ī ndɔ̄ ní alé.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

NDŪ NAJƏ̄ 29:14

ba i kə deē ń ra sejí ɓōólaā ta kum Kɔ́ɔ̄ɓē Nə́ɓā yājí tə́ ní ō, kə deē ń i sejí ɓōólaā aĺ ɓáý ní ō.

HEBƏRO 7:22

I gō najə̄ ń toō tə́ n Jeju rāā kadə̄ madə̄ naā kə́ majə tɔȳ to ngan̄g ní.

HEBƏRO 8:6

Ba kəla yā Jeju i kəla kə́ bo tɔȳ yā gotə ngé tun̄ yá̰a̰ gə̄. Tɔdɔ̄ ni i nge ra mbənā Nə́ɓā tə́ kə de gēé tām̄ yā madə̄ naā kə́ majə ngá̰ý tɔȳ tə́ ō, madə̄ naā ní i madə̄ naā kə́ ndi i dɔ míndə́ kə́ kənī kə́ majə ngá̰ý tɔȳ tə́ ō.

HEBƏRO 8:13

Dan ń Nə́ɓā ɔr̄ najə̄ yā madə̄ naā kə́ kijə ní, ni-əhɔ madə̄ naā kə́ ta kəga dɔ i madə̄ naā kə́ jóó tə́. Ba yá̰á̰ kə́ jóo i yá̰á̰ kə́ a tɔgə ɓə́gá ō i yá̰á̰ kə́ a gətóo kɔ̄ɔ́ ngɔr ō.

Najə̄ kə́ Majə yā Jeju ń Luk ndang ní 5:38

Banī a tūrə̄n̄ kasə kə́ tām̄ ngōn̄ i kem sɔl kə́ kijə gə̄ tə́.