HEBƏRO 8:6 - Bibəl ta Sar̄

⁶ Ba kəla yā Jeju i kəla kə́ bo tɔȳ yā gotə ngé tun̄ yá̰a̰ gə̄. Tɔdɔ̄ ni i nge ra mbənā Nə́ɓā tə́ kə de gēé tām̄ yā madə̄ naā kə́ majə ngá̰ý tɔȳ tə́ ō, madə̄ naā ní i madə̄ naā kə́ ndi i dɔ míndə́ kə́ kənī kə́ majə ngá̰ý tɔȳ tə́ ō.

Bible sar

⁶ Ba kəla yā Jeju i kəla kə́ bo tɔȳ yā gotə *ngé tun̄ yá̰a̰ gə̄. Tɔdɔ̄ ni i nge ra mbənā Nə́ɓā tə́ kə de gēé tām̄ yā *madə̄ naā kə́ majə ngá̰ý tɔȳ tə́ ō, madə̄ naā ní i madə̄ naā kə́ ndi i dɔ míndə́ kə́ kənī kə́ majə ngá̰ý tɔȳ tə́ ō.

HEBƏRO 8:6 Referans Kwoze

HEBƏRO 7:22

I gō najə̄ ń toō tə́ n Jeju rāā kadə̄ madə̄ naā kə́ majə tɔȳ to ngan̄g ní.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

Najə̄ kə́ Majə yā Jeju ń Luk ndang ní 22:20

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

JEREMI 50:5

Nin̄ a dəjen̄ róbə́ kə́ ta kaw̄ kə̄ Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ madə̄ naā kə́ ngándáńg kə́ dɔdə́ a ndígə̄nal aĺ bátə́.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

1 TIMOTE 2:5

Tɔdɔ̄ Nə́ɓā i kal kógə̄ḿ beē ō, nge ra mbənā Nə́ɓā tə́ kə de gēé i kal kógə̄ḿ beē ō. Deē ní i Kərist Jeju.