HEBƏRO 8:5 - Bibəl ta Sar̄

⁵ Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

Bible sar

⁵ Kəla ń *ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

HEBƏRO 8:5 Referans Kwoze

Teē Ngán Israel gə̄ 25:40

Ḭ̄ Moijə, ā ə̄ndā kumií gírí kadə̄ rāān̄ yá̰á̰ ní kadə̄ to tītə̄ nge ń m-ɔ́jiī dɔ mbalá laā ní.

KOLOSƏ 2:17

Yá̰a̰ gə̄ ń noō malang i ndíĺ yá̰á̰ ń kadə̄ a reē ɓáý ní, ba ngarān̄g kum yá̰á̰ i Kərist.

HEBƏRO 10:1

Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.

Teē Ngán Israel gə̄ 26:30

A rāān̄ kújə ndiḿ kadə̄ to tītə̄ nge ń m-ɔ́jiī dɔ mbalá laā ní.

1 YÁ̰A̰ GƏ̄ 28:19

Dabid əda na yá̰a̰ gə̄ ń noō malang na ton̄ kem makətūbə̄ ń n-ənge jī Kɔ́ɔ̄ɓē tə́ ní. Makətūbə̄ ní na ɔjə loo rāā yá̰a̰ gə̄ ní kógə̄ḿ kógə̄ḿ malang adə̄ unjə̄.

Teē Ngán Israel gə̄ 27:8

A rāān̄ loo tun̄ yá̰á̰ ní i kə kāgə̄ kə́ laa gēé adə̄ kemən a to. A rāān̄ kadə̄ a to i tītə̄ nge ń m-ɔ́jiī dɔ mbalá ní.

1 YÁ̰A̰ GƏ̄ 28:12

Ni-adə̄n makətūbə̄ yá̰a̰ malang ń ni núm̄ rāā ní ō, adə̄ i ndágə loo gə̄ kə́ gidə kújə yā Kɔ́ɔ̄ɓē tə́ ō, kújə gə̄ kə́ gidə ndágə loo kə́ gīr̄ gidə kújə yā Kɔ́ɔ̄ɓē gə̄ ní tə́ ō, kújə ngɔ̄m̄ yá̰a̰ kə́ gātə̄də́ i ngá̰ý gə̄ kə́ tām̄ yā kújə yā Nə́ɓā tə́ ō, yá̰á̰ kə́ yā ɓōĺ gidə kə́ ndējə̄ gə̄ ō.

HEBƏRO 9:9

Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

TƏ́DA 8:4

Rāān̄ ɗəra hor ní kə taá malang, əla gír njan tə́ bátə́ hútə̄n kə́ ta tɔ̄l̄ ta tə́ ní i kə lɔ́ŕ kə́ kənda kə mō̰ó̰. Rāān̄ ɗəra hor ní adə̄ to i tītə̄ nge ń Kɔ́ɔ̄ɓē ɔjə Moijə ní.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

KƏLA RĀĀ 7:44

Dan ń kaají gə̄ i kem dəla loo tə́ ní, nin̄-aw̄n̄ kə kújə tandā yā najə̄ kə́ kum tə́. Nge ń a ɔr̄ najə̄ kə Moijə ní ədan na kə rāā kújə́ ní kadə̄ kə to tītə̄ nge ń a̰ā̰ ní.

Teē Ngán Israel gə̄ 25:9

Ā ī-rāāī kújə ndiḿ ō, ngáń gájə́ yá̰a̰ rāā kəla kə́ kemeé gə̄ ō, kadə̄ a ton̄ i tītə̄ ngé gə̄ ń m-ā m-ɔ́jiī ní.

MATIYE 2:12

Nə́ɓā tāādə́ kem nī tə́ na kə tél kə aw̄n̄ gogə́ rɔ̄ Herod tə́ alé. Adə̄ nin̄-tél aw̄n̄ ɓē yādə́ tə́ i kə róbə́ kə́ rangaá.

HEBƏRO 13:10

Jḭḭ̄ j-awī kə loo tun̄ yá̰á̰ kə́ ngé gə̄ ń rāān̄ kəla yā Nə́ɓā kem kújə tandā yā Moijə tə́ ní asən̄ kəsa yá̰a̰ ndējə̄ kə́ tun̄ dɔ tə́ alé.

JEJU TEĒ KUM JA̰A̰ 15:5

Gō tə́ anī, m-á̰a̰ ta kújə yā Kɔ́ɔ̄ɓē kə́ dɔ rā̰ tə́ ra kə wōyōó. Ba kújə tandā ń sandúkə ndū najə̄ ndi gírí ní, i kem kújə yā Kɔ́ɔ̄ɓē ní tə́.

JOJUE 22:28

J-əda na ré ndɔ̄ń tə́ deē ədají jḭḭ aké ngán kaají gə̄ najə̄ ké tītə̄ ń noō anī, j-a jə-tél yā kəda kɔ́ɔ̄ na: Á̰a̰ī, kaají gə̄ rāān̄ loo tun̄ yá̰a̰ adə̄ to tītə̄ loo tun̄ yá̰a̰ yā Kɔ́ɔ̄ɓē beé, rāān̄ i yā róoń dā̰ aĺ ō, i yā tunə̄ń yá̰á̰ kə́ rang gə̄ aĺ ō, ba i yā kadə̄ tél yá̰á̰ kə́ kum tə́ kə́ to dɔ dáńjí tə́ sesí.