HEBƏRO 8:4 - Bibəl ta Sar̄

⁴ Nə́ngētə́ gēé Kərist i dɔ nang tə́ laā anī, ni a tél nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā yá̰a̰ ndējə̄ kə gō ndū najə̄ gə̄ ndin̄ laā kɔ̄ɔ́ ɓá.

Bible sar

⁴ Nə́ngētə́ gēé *Kərist i dɔ nang tə́ laā anī, ni a tél *nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā *yá̰a̰ ndējə̄ kə gō *ndū najə̄ gə̄ ndin̄ laā kɔ̄ɔ́ ɓá.

HEBƏRO 8:4 Referans Kwoze

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

TƏ́DA 18:5

I sḭḭ̄ n i ngé rāā kəla gə̄ kə́ kem loo kə́ táĺ tə́ ō, kə́ dɔ loo tun̄ yá̰á̰ tə́ ō, yā kadə̄ wōn̄g rāāməń kə ngán Israel gēé to̰ aĺ ní.

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

HEBƏRO 8:3

Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

HEBƏRO 9:9

Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.