HEBƏRO 8:3 - Bibəl ta Sar̄

³ Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

Bible sar

³ Ngol *ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā *yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

HEBƏRO 8:3 Referans Kwoze

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

HEBƏRO 8:4

Nə́ngētə́ gēé Kərist i dɔ nang tə́ laā anī, ni a tél nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā yá̰a̰ ndējə̄ kə gō ndū najə̄ gə̄ ndin̄ laā kɔ̄ɔ́ ɓá.