HEBƏRO 8:2 - Bibəl ta Sar̄

² Ni-rāā kəla kem kújə yā Kɔ́ɔ̄ɓē tə́, kumən na i kem kújə tandā kə́ rɔ̄kum ń i Kɔ́ɔ̄ɓē n i nge kudən ba i deē ndul alé ní tə́.

Bible sar

² Ni-rāā kəla kem *kújə yā Kɔ́ɔ̄ɓē tə́, kumən na i kem kújə tandā kə́ rɔ̄kum ń i Kɔ́ɔ̄ɓē n i nge kudən ba i deē ndul alé ní tə́.

HEBƏRO 8:2 Referans Kwoze

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

Makətūbə̄ ń Pol ndang adə̄ Rom gə̄ ní 15:8

Tɔdɔ̄ m-ə́dásí na, dan ń Kərist rāā rɔ̄n nge kəla yā Nə́ɓā tə́ tām̄ yā Jipə gə̄ tə́ ní, rāā i yā tɔ̄ləń ta kənī ń Nə́ɓā ənī míndən adə̄ kaají gə̄ ní. Ni-rāā beé i yā kɔjəń kadə̄ Nə́ɓā i de kə́ nge ra dɔ ndūn tə́.

Teē Ngán Israel gə̄ 33:7

Moijə aw̄ kə kújə tandāá udə gidə ɓē tə́ sa̰y, ba əndā rīn na i kújə kənge naā. Adə̄ de gə̄ ń a sāān̄ koō ta Kɔ́ɔ̄ɓē ní a aw̄n̄ i gidə ɓē tə́, loo ń kújə i tū tə́ ní tə́.

HEBƏRO 11:10

Tɔdɔ̄ Abəraham ndi a ngóō i ɓē kə́ əndān̄ ngəran adə̄ ngan̄g. Ba Nə́ɓā i nge kɔjə loo rāā ɓē ní ō, i ni n i nge rāā ɓē ní ō.

HEBƏRO 10:21

J-awī kə ngol ngé tun̄ yá̰a̰ gə̄ kə́ əndānən̄ dɔ kújə yā Nə́ɓā tə́.

KOLOSƏ 2:11

Ɓoo ń ī-ɓooī naā seneé ní, ɔjə kadə̄ sḭḭ̄ ə́jaī mɔtəsí kɔ̄ɔ́. I jī deē n əja alé, i kəja mɔtə yā Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

Teē Ngán Israel gə̄ 28:35

Aaro̰ a əla kūbə̄ ngāl̄ ní rɔ̄n tə́ yā rāań kəla tun̄ yá̰a̰. Ré a udə i kə̄ kem loo kə́ táĺ tə́ ta kum Kɔ́ɔ̄ɓē tə́ anī, ngán ɓɔ gə̄ ní a ɓārə̄n̄ kadə̄ deē a oō kōōdə́ ō, ré a teē i mbée anī, a ɓārə̄n̄ kadə̄ deē a oō kōōdə́ ō. Tītə̄ ń noō ɓáa, Aaro̰ a oy alé.

Teē Ngán Israel gə̄ 28:1

Ī-ɓāŕ ngōkó̰ó̰í Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán Israel gə̄ tə́ ādə̄ rāān̄ kəla tun̄ yá̰a̰ yāḿ.

Teē Ngán Israel gə̄ 25:9

Ā ī-rāāī kújə ndiḿ ō, ngáń gájə́ yá̰a̰ rāā kəla kə́ kemeé gə̄ ō, kadə̄ a ton̄ i tītə̄ ngé gə̄ ń m-ā m-ɔ́jiī ní.

HEBƏRO 9:1

Madə̄ naā kə́ ta kəga dɔ aw̄ kə ndū najə̄ gə̄ kə́ dɔ rāań a rāān̄ kəla adə̄n̄ Nə́ɓā tə́ ní ō, aw̄ kə kújə yā Kɔ́ɔ̄ɓē dɔ nang tə́ ō.

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.