HEBƏRO 8:10 - Bibəl ta Sar̄

¹⁰ Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

Bible sar

¹⁰ Ni-əda ɓáý to̰ na: Gō ndɔ̄ gə̄ ngeé ń noō tə́ ní, *madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā *ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

HEBƏRO 8:10 Referans Kwoze

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

2 KORḚNTƏ 3:3

Kadə̄ sḭḭ̄ i makətūbə̄ kə́ Kərist ndang əla jījí tə́ kadə̄ j-adə̄ de gə̄ ní, nge ń noō to i kə̄ dɔ ndágá. Sḭḭ̄ i makətūbə̄ kə́ ndang kə man̄ yá̰á̰ kə́ nduluú alé, banī i kə́ ndang kə Ndíĺ Nə́ɓā kə́ ndi kə kumneé. Sḭḭ̄ i najə̄ kə́ ndang dɔ ngán mbal̄ kə́ laa gə̄ tə́ alé, ba i dan wur deē tə́.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

Makətūbə̄ ń Pol ndang adə̄ Rom gə̄ ní 11:27

I nge ń noō n i madə̄ naā yāḿ kə́ sedə́ dan ń m-ā m-ɔ̄r̄ yá̰á̰ kə́ majaĺ yādə́ gə̄ kɔ̄ɔ́ ní.

JAKƏ 1:21

Tām̄ najə̄ ń toō tə́ ní ə́ya̰ī yá̰á̰ kə́ yḛr gə̄ malang ō, yá̰a̰ malang kə́ rāā kə kem nduluú ō kɔ̄ɔ́, ba najə̄ ń Nə́ɓā dubə̄ kemsí tə́ ní, ə́hɔī kə̄ rɔ̄sí tə́ majə kə sɔl̄ dɔɔ́, tɔdɔ̄ najə̄ ní asə kajəsí.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

JEREMI 32:38

Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.

MATIYE 22:32

Nə́ɓā əda na: Mā i Nə́ɓā yā Abəraham ō, yā Isaak ō, yā Jakob ō. Jeju ədadə́ dɔ tə́ ɓáý to̰ na, mā i Nə́ɓā yā de gə̄ kə́ ndin̄ kə kumdə́ gə̄, ba i Nə́ɓā yā de kə́ koy gə̄ alé.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

Teē Ngán Israel gə̄ 34:27

Kɔ́ɔ̄ɓē əda Moijə na kə ndang najə̄ gə̄ ń noō, tɔdɔ̄ n-əndā ngəra madə̄ naā ń na ni-əhɔ seneé ō, kə ngán Israel gēé ō ní na i dɔ najə̄ gə̄ ń noō tə́.

EJEKIEL 39:22

Əla gír kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

PĀ KƏ́ MAJƏ 2:16

Kó tár yāḿ i tām̄ yāḿ tə́ ō, mā i tām̄ yān tə́ ō. Ni-aw̄ kə yá̰a̰ kul̄ yān gēé adə̄ ra a əsan̄ yá̰a̰ dan hútə̄ ndə́ja gə̄ tə́.

Teē Ngán Israel gə̄ 24:4

Moijə ndang najə̄ gə̄ ń Kɔ́ɔ̄ɓē ədan ní malang. Teē kə ndɔ̄ kə́ noō anī Moijə ḭḭ dɔɔ́ kə gír looí ɓatə, rāā loo tun̄ yá̰a̰ nja mbal̄ tə́ ō, túdə̄ ngán mbal̄ gə̄ kutə gidə i jōó kə nja kə́ dɔɔ́ tām̄ yā gír ɓē kə́ kutə gidə i jōó yā ngán Israel gə̄ tə́ ō.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

Teē Ngán Israel gə̄ 24:7

Gō tə́ anī un makətūbə̄ madə̄ naā tə́da adə̄ ngán Israel gə̄ oōn̄. Anī ngán Israel gə̄ ədan̄ na yá̰a̰ gə̄ ń Kɔ́ɔ̄ɓē ədadə́ malang ní, na n-a n-əndān̄ kumdə́ gírí yā rāā.

Teē Ngán Israel gə̄ 34:1

Kɔ́ɔ̄ɓē əda Moijə na kə tɔ́sə̄ bar mbal̄ gə̄ jōó, kadə̄ kə ton̄ tītə̄ ngé kə́ kété gə̄ ní. Na n-a n-ndang ndū najə̄ gə̄ ń na n-ndang gidə ngé kə́ kété gə̄ tə́ ní dɔ tə́.

1 KORḚNTƏ 6:16

Deē ń ɓoon̄ naā kə kaya dəyá̰ ní, ni-tél i rɔ̄ kə́ kógə̄ḿ beē seneé ní ī-gerī aĺ a? Tɔdɔ̄ ndangən̄ kem makətūbūú na: Nin̄ jōó a télən̄ de kə́ kógə̄ḿ beē.