HEBƏRO 8:1 - Bibəl ta Sar̄

¹ Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

Bible sar

¹ Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol *ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

HEBƏRO 8:1 Referans Kwoze

KOLOSƏ 3:1

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

HEBƏRO 10:12

Ba Kərist ni ndējə̄ yá̰a̰ tun̄ kə́ tām̄ yā majaĺ tə́ i nja kógə̄ḿ beē. Gō tə́ anī ni-ndi dɔ jī ko̰ Nə́ɓā tə́ ngándáńg.

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

PĀ GƏ̄ 104:1

Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

PĀ GƏ̄ 21:5

Ḭ̄ ī-rāā ādə̄ ndi kə kumneé tītə̄ ń dəjeīń ní, ndi i ndi kə́ dan a gān̄g aĺ bátə́.

1 YÁ̰A̰ GƏ̄ 29:11

Kɔ́ɔ̄ɓē, ḭ̄ i de kə́ bo ō, tɔ́gí i ngá̰ý ō, ī-ndə́lē pipir ō, ī-to ɓōĺ ō, ī-to kadə̄ ɔsən̄ gɔnií ō, tɔdɔ̄ yá̰a̰ malang kə́ dɔ rā̰ tə́ ō, kə́ dɔ nang tə́ ō i yāí. Ko̰o̰ ɓē i yāí ō, i ḭ̄ n i dɔ de gə̄ tə́ malang ō ní.

HEBƏRO 1:13

Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

IJAI 24:14

Ngé gə̄ ń teēn̄ ta yo tə́ ní, unən̄ ndūdə́ kə̄ dɔɔ́, nin̄ ənīn̄ pā bo yā Kɔ́ɔ̄ɓē. Nin̄ teēn̄ kə̄ kem ɓē gə̄ kə́ no ɓē tə́ a reēn̄ kə kɔŕ rɔ̄nelēé tadə́ tə́:

PĀ GƏ̄ 145:12

yā kɔjəń de gə̄ yá̰a̰ rāāí kə́ to ɓōĺ gə̄ ō, loo ko̰o̰ ɓē yāí kə́ to kɔsə gɔn ngá̰ý ō.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

Makətūbə̄ yā Job 37:22

Loo kə́ unjə̄ tītə̄ lɔ́r ḭḭ dām̄ mbɔ́r ɓē kə́ ko̰ó̰ tə́ a reē. Loo kə́ unjə̄ kow to ɓōĺ ngá̰ý unjə̄ gīr̄ gidə Nə́ɓā.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

HEBƏRO 4:14

I beé ní, adə̄ j-əhɔī taā kem ń j-ɔjiī najə̄n ní adə̄ ngan̄g, tɔdɔ̄ j-awī kə ngol ngé tun̄ yá̰a̰ gə̄ kə́ tɔ́gən i ngá̰ý, kə́ aw̄ bátə́ ugə̄ rɔ̄ Nə́ɓā tə́, adə̄ i Jeju, ni i Ngōn̄ Nə́ɓā.