HEBƏRO 7:5 - Bibəl ta Sar̄

⁵ Ngán Lebi gə̄ ń nin̄ i ngé tun̄ yá̰a̰ gə̄ ní, ədan̄də́ kadə̄ táān̄ yá̰a̰ malang kə́ nge ko̰ kutə jī ngán Israel gə̄ tə́ kə gō ndū najá. Kumən na táān̄ yá̰a̰ gə̄ ní i jī ngákó̰ó̰də́ nin̄ kɔ́ gə̄ tə́. Tá ngákó̰ó̰də́ gə̄ ní, i ngán kaa Abəraham gə̄ ō.

Bible sar

⁵ Ngán Lebi gə̄ ń nin̄ i *ngé tun̄ yá̰a̰ gə̄ ní, ədan̄də́ kadə̄ táān̄ yá̰a̰ malang kə́ nge ko̰ kutə jī ngán *Israel gə̄ tə́ kə gō ndū najá. Kumən na táān̄ yá̰a̰ gə̄ ní i jī ngákó̰ó̰də́ nin̄ kɔ́ gə̄ tə́. Tá ngákó̰ó̰də́ gə̄ ní, i ngán kaa Abəraham gə̄ ō.

HEBƏRO 7:5 Referans Kwoze

HEBƏRO 7:10

tɔdɔ̄ ni i kem kaan tə́ ɓáý loo ń Melkisedek ɔjə no Abəraham ní.

NEHEMI 13:10

M-ōō kadə̄ yá̰á̰ kə́ tām̄ yā ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.

1 MBAN̄G GƏ̄ 8:19

Ɓá tā ba i Dabid n na a rāā kújə́ ní alé, ba na i ngōn̄ kemən. I ni n na a rāā kújə́ ní tām̄ yā rīn ni Kɔ́ɔ̄ɓē tə́ ní.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

HEBƏRO 5:4

De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

Teē Ngán Israel gə̄ 28:1

Ī-ɓāŕ ngōkó̰ó̰í Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán Israel gə̄ tə́ ādə̄ rāān̄ kəla tun̄ yá̰a̰ yāḿ.

TA KƏLA 46:26

Deē yā Jakob gə̄ ń reēn̄ seneé dɔ nang kə́ Ejiptə tə́ ní, nin̄ malang i deē kutə mehḛ́ gidə i mehḛ́, kanjə̄ tə́da nə̄yá̰ ngánən gə̄.

Teē Ngán Israel gə̄ 1:5

Dan ngeé ń noō tə́ ní ngán Jakob gə̄ ō, ngán kaan gə̄ ō, malang i deē kutə sīrí. Jəjep ni i kem ɓē kə́ Ejiptə tə́ kété nodə́ tə́ kɔ̄ɔ́.

TA KƏLA 35:11

ba əda na: Mā i Nə́ɓā kə́ bo kə́ tɔ́gə́ḿ i ngá̰ý. M-ā m-ādī ngán gə̄ ngá̰ý adə̄ ā ī-tél kaa nápar de kə́ ngá̰ý gə̄ ō, kaa de kə́ gíŕ nápar de kə́ ngá̰ý gə̄ ō. Ā ī-tél kaa mban̄g gə̄.

NDŪ NAJƏ̄ 26:12

Kem ɓāl̄ kə́ nge ko̰ mətá ń i ɓāl̄ yā dɔ yá̰á̰ kə́ nge ko̰ kutə kə́ kɔr̄ tām̄ yā Nə́ɓā tə́ ní, ré ɔ̄r̄ dɔ kōō yāí gə̄ malang ādə̄ ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō, ādə̄ əsa ndānə̄n̄ kem ɓē yāí tə́ oy anī,