HEBƏRO 7:2 - Bibəl ta Sar̄

² Anī Abəraham ɔr̄ dɔ yá̰á̰ kə́ nge ko̰ kutə dɔ yá̰a̰ gə̄ malang adə̄n. Rī ń na i Melkisedek ní, kumən kə́ ta kəga dɔ na i mban̄g yā yá̰á̰ kə́ gōtə́. Tá ni i mban̄g kə́ Salem ɓáý to̰, kumən na i mban̄g yā kem sɔl̄ lɔm ō.

Bible sar

² Anī Abəraham ɔr̄ dɔ yá̰á̰ kə́ nge ko̰ kutə dɔ yá̰a̰ gə̄ malang adə̄n. Rī ń na i Melkisedek ní, kumən kə́ ta kəga dɔ na i mban̄g yā yá̰á̰ kə́ gōtə́. Tá ni i mban̄g kə́ Salem ɓáý to̰, kumən na i mban̄g yā kem sɔl̄ lɔm ō.

HEBƏRO 7:2 Referans Kwoze

TƏ́DA 18:21

Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

PĀ GƏ̄ 72:7

Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

1 YÁ̰A̰ GƏ̄ 22:9

Banī na m-ā m-ójə ngōn̄ kə́ dəngam, ngōn̄ ní na i de kə́ nge kem sɔl̄ adə̄ na n-a n-əya̰ madə̄ ba̰ā̰n gə̄ ń ndin̄ gīrə̄n̄ gidən ní kadə̄ njə́ɓānən̄ alé. A ɓārə́n̄ ngōn̄ ní na i Salomo̰, kə́ kumən na i de kə́ gḛy ndi majə kə madə̄ ɓēn gēé. Tɔdɔ̄ na ɓāl̄ ko̰o̰ ɓē yān tə́ ní n-a n-adə̄ Israel kem sɔl̄ ō, na n-rāā kadə̄ ndi jəke kanjə̄ sōl̄ yá̰á̰ kógə̄ḿ ō, ɓāl̄ ko̰o̰ ɓē yān tə́.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

1 SAMUEL 8:17

Ré batə̄ yāsí gə̄ i kutə anī a əhɔ kógə̄ḿ ō, ré bə̄yā̰ yāsí gə̄ i kutə anī a əhɔ kógə̄ḿ ō. Yā tɔ̄ləń ta ɓáa sḭḭ̄ ā ī-téliī ɓəlo yān gə̄ ō.

1 SAMUEL 8:15

A ɔr̄ dɔ kōō yāsí gə̄ ō, kan̄ kāgə̄ nduú yāsí gə̄ ō, kə́ nge ko̰ kutə yā kadə̄ ngé gə̄ ń ənī kemən adə̄də́ ní ō, ngé kəla yān gə̄ ō.

TA KƏLA 28:22

Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

LEBI GƏ̄ 27:32

Man̄g, aláa batə̄, aláa bə̄yā̰ ń a mān̄ gír jī nge kul̄ yá̰á̰ tə́ ní, kə́ nge ko̰ kutə i yā Kɔ́ɔ̄ɓē.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

HEBƏRO 7:1

Melkisedek ngeé ń toō ni i mban̄g kə́ Salem tə́ ō, nge tun̄ yá̰a̰ yā Nə́ɓā kə́ dɔɔ́ ō. Dan ń Abəraham tetə mban̄g gə̄ rɔ̄ɔ̄ ba a tél a reē kə̄ ɓēé anī, Melkisedek ɔjə non ba tɔ́r̄ tan dɔn tə́.

HEBƏRO 7:3

Deē ger̄ bɔbə̄n aĺ ō, kó̰o̰n aĺ ō, kaan aĺ ō. Deē ɔr̄ najə̄ kə́ dɔ kojən tə́ aĺ ō, kə́ dɔ koyn tə́ aĺ ō. Ni to tītə̄ Ngōn̄ Nə́ɓā beé, adə̄ ni-ndi nge tun̄ yá̰á̰ ngándáńg.