HEBƏRO 6:4 - Bibəl ta Sar̄

⁴ Najə̄ yā ngé gə̄ ń tél a rāān̄ háĺ kə́ majaĺ gogə́ ní. Nə́ɓā rāā adə̄ loo unjə̄ kow dɔdə́ tə́ nja kógə̄ḿ. Nin̄-nāān̄ nel̄ kadə̄ karī kə́ dɔ rā̰ tə́ ō, əngen̄ Ndíĺ kə́ Táĺ ō.

Bible sar

⁴ Najə̄ yā ngé gə̄ ń tél a rāān̄ háĺ kə́ majaĺ gogə́ ní. Nə́ɓā rāā adə̄ loo unjə̄ kow dɔdə́ tə́ nja kógə̄ḿ. Nin̄-nāān̄ nel̄ kadə̄ karī kə́ dɔ rā̰ tə́ ō, əngen̄ *Ndíĺ kə́ Táĺ ō.

HEBƏRO 6:4 Referans Kwoze

MATIYE 5:13

Sḭḭ̄ i katə̄ kə́ dɔ nang tə́ gə̄. Ba ré nel̄ katə̄ teē kɔ̄ɔ́ ní, deē a ɓōkə́ i rí gotoó n katə̄ a téləń yā nel̄ gogə́ ní? Yá̰á̰ kə́ yā rāāń to̰ gətóo. Katə̄ ń nelə̄n teē kɔ̄ɔ́ ní a ɓōkə́n̄ i ndágá ō, de gə̄ a njə̄rān̄ dɔ tə́ ō.

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

JA̰A̰ 3:27

Anī Ja̰a̰ əda na: Deē kógə̄ḿ kə́ asə taā yá̰a̰ kanjə̄ kadə̄ i Nə́ɓā n adə̄n yá̰á̰ ní gətóo.

HEBƏRO 10:32

Ādə̄ əga kemsí dɔ yá̰á̰ ń rāāsí kété tə́ ní. Kem ndɔ̄ gə̄ ngeé ń noō tə́ ní dan ń sḭḭ̄ ə́ngeī loo kə́ unjə̄ kow yā Nə́ɓā ní, á̰a̰ī tápə̄ ngá̰ý gō tə́, banī sḭḭ̄ ī-raī ngan̄g ta rɔ̄ɔ̄ ní tə́.

MATIYE 12:45

Anī ɔtə aw̄ sāā ndíĺ kə́ majaĺ ngá̰ý tɔȳn gə̄ sīrí reē sedə́, adə̄ rāān̄ ɓē seneé kem kújə́ ní tə́. Loo ń noō tə́ dəngam ní ndi majaĺ ngá̰ý ta tɔ̄l̄ ta tə́ tɔȳ ndin kə́ kété.

GALATƏ 3:2

I najə̄ kə́ kal kógə̄ḿ beē ń toō n m̄-gḛy kadə̄ ī-tūr̄mī tə́ ní. Najə̄ ní n toō: Əngeī Ndíĺ Nə́ɓā i tām̄ rāā kə́ ī-rāāī yá̰á̰ kə́ ndū najə̄ əda kadə̄ yā rāā tə́, aké i tām̄ koō kə́ ōōī Najə̄ kə́ Majə ba ī-taāī kem tə́ ḿ?

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

KƏLA RĀĀ 11:17

Ré Nə́ɓā adə̄də́ nin̄ kadə̄ karī kə́ kógə̄ḿ beē nəkɔ́ ń ni-adə̄jí jḭḭ̄ tām̄ taā kə́ jə-taāī kem Kɔ́ɔ̄ɓē Jeju Kərist tə́ ní anī, mā i náā á m-ásə kɔgə̄ Nə́ɓā rāā yá̰á̰ ní?

EPEJƏ 4:7

Ɓá tā ba yá̰a̰ gə̄ ń Jeju adə̄ ngá̰ý kə gō kem ndaa yānneé ní, jḭḭ̄ kógə̄ḿ kógə̄ḿ ní, náā nəkɔ́ ɓáa ənge yān kə́ sɔɔ̄ dɔn danaá.

EPEJƏ 3:7

m̄-tél nge rāā kəla kɔjə Najə̄ kə́ Majə ní kə tɔ́gɔ́, i kə ta kūl̄ yá̰á̰ ń Nə́ɓā adə̄m̄ sɔɔ̄ń kem majə yān ní.

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

KƏLA RĀĀ 8:20

Anī Piyer tél ədan na: Nar yāí gə̄gē, īkɔ́ gə̄gē, ā údiī kɔ̄ɔ́ mbak. Tɔdɔ̄ yá̰á̰ ń Nə́ɓā a adə̄ deē i karī ní, ḭ̄ ī-gír̄ mang kə naraá.

JA̰A̰ 6:32

Ādə̄ m-ə́dásí najə̄ kə́ bo ngá̰ý, i Moijə n adə̄sí mápá kə́ ḭḭ dɔ rā̰ tə́ ní alé, banī i Bɔbə́ḿ n adə̄sí mápá kə́ ḭḭ dɔ rā̰ tə́ kə́ rɔ̄kum ní.

TƏ́DA 24:3

adə̄ ni tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō,

GALATƏ 3:5

Nge ń adə̄sí Ndíl ō, rāā yá̰a̰ kə́ yáā gə̄ dɔ dáńsí tə́ ō ní, rāā i tām̄ rāā kə́ sḭḭ̄ ī-rāāī yá̰á̰ gə̄ kə́ ndū najə̄ əda kadə̄ yā rāā gə̄ tə́, aké i tām̄ koō kə́ ōōī Najə̄ kə́ Majə ō ī-taāī kem ō ḿ?

KƏLA RĀĀ 15:8

Ba Nə́ɓā ń i nge ger̄ kem de gə̄ ní ɔjə kə̄ ndágá kadə̄ əhɔdə́ kə̄ rɔ̄n tə́ i kə ta kūl̄ kadə̄də́ Ndíĺ kə́ Táĺ tītə̄ ń ni-adə̄ńjí ní ō.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

LEBI GƏ̄ 13:55

Ré tə́gon̄ yá̰á̰ ní oy anī, nge tun̄ yá̰a̰ a əndā ma̰ȳ. Ré ɓál mə̄rō ní to i kum gotən, aké aw̄ kum kə̄ kété aĺ gə̄gē anī, yá̰á̰ ní i kə́ yḛr. Ká ré i kemən n əɓa mə̄rō, aké i gidən n əɓa mə̄rō gə̄gē anī, ā ə̄nīī yá̰á̰ ní horoó kɔ̄ɔ́ kadə̄ hor o̰o̰.

LEBI GƏ̄ 14:43

Ré ró̰ȳn̄ mbal̄ kə́ nujə gə̄ ní kɔ̄ɔ́ ō, kūsə́n̄ kem kújə́ ní ba ló̰ȳn̄ nán̄g kə́ rang longnə̄ń oy pá tá mə̄rō ní tél teē kemeé ɓáý to̰ anī,