HEBƏRO 6:2 - Bibəl ta Sar̄

² yá̰á̰ ndóō kə́ dɔ batém gə̄ tə́ ō, kə́ dɔ kəndā jī dɔ de gə̄ tə́ ō, dɔ de kə́ kə́ koy gə̄ kə́ a ndólə̄n̄ tə́ ō, dɔ sarya kə́ ngándáńg tə́ ō.

Bible sar

² yá̰á̰ ndóō kə́ dɔ *batém gə̄ tə́ ō, kə́ dɔ kəndā jī dɔ de gə̄ tə́ ō, dɔ de kə́ kə́ koy gə̄ kə́ a ndólə̄n̄ tə́ ō, dɔ sarya kə́ ngándáńg tə́ ō.

HEBƏRO 6:2 Referans Kwoze

KƏLA RĀĀ 6:6

ba reēn̄ sedə́ no ngámbang kəla gə̄ tə́. Nin̄-ndɔ̄ȳn̄ ō, əndān̄ jīdə́ dɔdə́ tə́ ō.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

KƏLA RĀĀ 23:6

Pol ger̄ kadə̄ dan de gə̄ ń kánə̄n̄ naā á ndin̄ tə́ ní, dām̄ kógə̄ḿ gə̄ i Sadusiyḛ gə̄ ō, dām̄ kə́rēý gə̄ i Parijiyḛ gə̄ ō, adə̄ ni-əga kɔŕ ədań ngé sarya gə̄ na: Ngákó̰ó̰ḿ gə̄, mā i Parijiyḛ ō, mā i ngōn̄ kem de kə́ ni i Parijiyḛ ō! I tām̄ yā yá̰á̰ ń j-əndāī kemjí dɔ tə́ ní, adə̄ i tām̄ yā ndól̄ kə́ de kə́ koy gə̄ a ndólə̄n̄ tə́ n reēn̄neé seḿ loo sarya tə́ yā rāā sarya seḿ ní.

KƏLA RĀĀ 17:18

Ngé ndóō de gə̄ kum kedə̄ kə́rēý gə̄ ń a ɓārə́n̄də́ na Epikuriyḛ gə̄ ō, Estoisiyḛ gə̄ ō ní, de kə́rēý gə̄ dandə́ tə́ ɔrə̄n̄ najə̄ seneé ō. Ngé kə́rēý gə̄ dəjen̄ najə̄ ədan̄ na: Nge najə̄ wa gə̄ ń toō sāā kəda na i rí? Ngé kə́ rang gə̄ oōn̄ Pol loo kɔjə najə̄ yā Jeju tə́ ō, loo kɔr̄ najə̄ kə́ dɔ koy tá ndól̄ tə́ ō anī ədan̄ na: Tītə̄ kə́ a ɔjə i najə̄ yā nə́ɓā kə́ jə-gerī aĺ gə̄ beé wa.

KƏLA RĀĀ 16:33

Nge ngɔ̄m̄ dəngáy gə̄ ɔydə́ kə̄ dan ndɔ̄ɔ́ noō aw̄ tə́go ta dodə́. Gō tə́ anī rāānən̄ batém kə̄ ta jī tə́ noō, ni ō ngéén gə̄ malang ō.

KƏLA RĀĀ 16:15

Dan ń rāānən̄ batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

KƏLA RĀĀ 10:47

De gə̄ ń toō ń əngen̄ Ndíĺ kə́ Táĺ tītə̄jí ní, deē asə kɔgə̄ kadə̄ rāān̄də́ batém a?

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

JA̰A̰ 1:33

Kété m̄-gerə̄n alé, ba nge ń əlam̄ rāā de gə̄ batém tə́ kum man̄ tə́ ní ədam̄ na: Deē ń ā á̰á̰ Ndíĺ jə̄ngā dɔ rā̰ tə́ ndi dɔn tə́ ní, i nge ń a rāā de gə̄ batém kum Ndíĺ kə́ Táĺ tə́ ní.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

HEBƏRO 11:35

I kə ta kūl̄ taā kem n dəyá̰ gə̄ tél əngen̄ de gə̄ yādə́ kə́ koy gə̄ kə́ ndólə̄n̄ ní. Rāān̄ de kə́ rang gə̄ yá̰á̰ kə́ tōr̄ ń adə̄ oyn̄. Nin̄-mbātə́n̄ kadə̄ gāngə̄n̄ dɔdə́, yā kadə̄ ré n-oyn̄ anī, n-ndólə̄n̄ dan de kə́ koy gə̄ tə́ ba n-ndin̄ kə kumdə́ ndin̄ kə́ majə tɔȳ kə́ kété.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

2 TIMOTE 2:18

Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé.

KOLOSƏ 2:12

Tɔdɔ̄ dan ń rāān̄sí batém ní, dubə̄n̄sí naā tə́ kə Kərist ō, ī-ndólī naā tə́ seneé ō, tām̄ ī-taāī kem tɔ́gə yā Nə́ɓā ń ndólə̄n dan de kə́ koy gə̄ tə́ ní.

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

1 KORḚNTƏ 12:13

Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.

1 KORḚNTƏ 10:2

Adə̄ rāān̄də́ batém malang kum kil̄ man̄ tə́ ō, kum bā bo tə́ ō, dan ń nin̄-ɓoon̄ naā kə Moijə ní.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

KƏLA RĀĀ 26:8

Kadə̄ Nə́ɓā ndól̄ de kə́ koy gə̄ ní, de kə́rēý gə̄ dansí tə́ a̰a̰n̄ kadə̄ i yá̰á̰ kə́ to taā kem aĺ i najə̄ rí tə́?

KƏLA RĀĀ 24:21

Ngá̰ý a i najə̄ kə́ kum kógə̄ḿ beē ń m-ún ndūḿ kə̄ dɔɔ́ ngá̰ý m-ə́dań dandə́ tə́ ní tá, m-ə́da na: I tām̄ taā kə́ m̄-taā kem kadə̄ de kə́ koy gə̄ a ndólə̄n̄ tə́ n a rāān̄neé sarya seḿ ta kumsí tə́ ɓōólaā toó!

KƏLA RĀĀ 24:15

Mā m-ə̄ndā kemḿ dɔ Nə́ɓā tə́ tītə̄ ń nin̄ kɔ́ gə̄ əndān̄neé kemdə́ dɔn tə́ ō ní, kadə̄ de kə́ sew gə̄ ō, de kə́ sew aĺ gə̄ ō ń oyn̄ ní, Nə́ɓā a ndól̄də́.

KƏLA RĀĀ 4:2

Kɔjə ń ngámbang kəla kə́ jōó gə̄ ń toō ra a ɔjən̄ de gə̄ yá̰a̰ ō, ra a ədan̄ de gə̄ na Jeju ń oy ní na ndól̄ kɔ̄ɔ́ ō ní tōr̄də́ ngá̰ý. Tām̄ ré nin̄-ədan̄ beé anī kumən na de gə̄ ń oyn̄ ní na a ndólə̄n̄ rɔ̄kum.

JA̰A̰ 5:29

Ngé gə̄ ń rāān̄ majə ní a ndólə̄n̄ tām̄ yā ndi kə kumuú tə́, banī ngé gə̄ ń rāān̄ majaĺ ní, a ndólə̄n̄ kadə̄ gāngə̄n̄ sarya dɔdə́ tə́.

Najə̄ kə́ Majə yā Jeju ń Luk ndang ní 14:14

Loo ń noō tə́ rɔ̄í a nelī, tām̄ nin̄ a asən̄ kadī kum gotə alé. Tɔdɔ̄ a télən̄ kə yá̰a̰ gə̄ ń toō yā kadī gogə́ ndɔ̄ ń de kə́ súmūú gə̄ a ndólə̄n̄neé tə́ ní.

Najə̄ kə́ Majə yā Jeju ń Luk ndang ní 12:50

I yá̰á̰ kógə̄ḿ kə́ kadə̄ rāām̄ ō, kemḿ ndi i kə sōlōó kekəre bátə́ kadə̄ yá̰á̰ ní rāām̄ pá tá ō.

Najə̄ kə́ Majə yā Jeju ń Luk ndang ní 11:38

Dan ń Parijiyḛ ní a̰ā̰ kadə̄ Jeju tə́go jīn tá əsań yá̰a̰ aĺ anī, ɔr kumən seneé ngá̰ý.

Najə̄ kə́ Majə yā Jeju ń Luk ndang ní 3:16

Anī Ja̰a̰ tūr̄ ədadə́ malang na: Mā m̄-rāāsí batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə Ndíĺ kə́ Táĺ ō, kə horoó ō.

MARK 7:8

Sḭḭ̄ ə́ya̰ī gō míndə́ Nə́ɓā kɔ̄ɔ́, ba úniī i gō kāgə̄ najə̄ yā de gə̄.

MARK 7:4

Loo ń télən̄ súkūú anī, a tə́gon̄ rɔ̄də́ pá tá a əsan̄ yá̰á̰ ɓáý. Ba yá̰a̰ kāgə̄ ɓē kə́ rang gə̄ ń nin̄-unən̄ gō ní i ngá̰ý, tītə̄ tə́go kópə gə̄, kə jóo gə̄, kə səmbē gə̄, kə tə̄rá gə̄, kadə̄ unjə̄.

MATIYE 3:14

Banī Ja̰a̰ sāā mbātə́, ədan na: I mā n i de kə́ yā kadə̄ m-āw̄ rɔ̄í tə́ kadə̄ ī-rāām̄ batém, anī ḭ̄ ī-reē rɔ̄ḿ mā tə́ i ba̰ý?

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

KƏLA RĀĀ 13:3

Loo ń noō tə́ nin̄-*ndin̄ ɓō tām̄ yā Nə́ɓā tə́ ō, ndɔ̄ȳn̄ Nə́ɓā ō, əndān̄ jīdə́ dɔdə́ tə́ ba əya̰n̄də́ adə̄ aw̄n̄.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.