HEBƏRO 6:1 - Bibəl ta Sar̄

¹ I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō,

Bible sar

¹ I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ *Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō,

HEBƏRO 6:1 Referans Kwoze

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

MATIYE 21:32

Tɔdɔ̄ Ja̰a̰ reē rɔ̄sí tə́ ɔjəsí róbə́ kə́ gōtə́, ba sḭḭ̄ ī-taāī kemən alé. Banī ngé táā lambóo gə̄ ō, dəyá̰ ájə́ba gə̄ ō, taān̄ kemən. Sḭḭ̄ á̰a̰ī kə kumsí gə̄gē, ba gō tə́ anī kemsí tūr̄ alé, adə̄ ī-taāī kem Ja̰a̰ alé.

HEBƏRO 7:11

Kəla tun̄ yá̰a̰ yā gír kaa Lebi gə̄ kə gō ndū najə̄ ń adə̄n̄ ngán Israel gə̄ ní. Ba ré kəla ń toō a teē yá̰á̰ kə́ majə ɔtə̄ kə taá ta kum Nə́ɓā tə́ anī, i tām̄ rí tə́ á Nə́ɓā rāā kadə̄ nge tun̄ yá̰á̰ kə́ rang i kə gō jī loo rāā kəla yā Melkisedek tə́ reē? Nge tun̄ yá̰á̰ kə́ rang reē i gō kəla tun̄ yá̰a̰ yā Aaro̰ tə́ alé ba i kə́ gō kəla tun̄ yá̰a̰ yā Melkisedek tə́ ní?

EPEJƏ 4:12

I tītə̄ ń noō n ni-rāań adə̄ de gə̄ yā Nə́ɓā asənə̄ń rāā kəla yān ní, yā kadə̄ ngé kán̄ naā gə̄ ń i rɔ̄ Kərist ní tɔgənə̄ń,

JA̰A̰ 12:44

Banī Jeju əga kɔŕ əda na: Deē ń taā kemḿ anī, taā i kemḿ mā alé, banī taā i kem nge ń əlam̄ ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

2 KORḚNTƏ 7:10

Tɔdɔ̄ rɔ̄ de kə́ nelə̄n aĺ ń Nə́ɓā un rāań kəla ní, a ojə i tūr̄ háĺ kə́ a aw̄ kə deé yā kəlan ta kajə tə́ ō, deē a ndə̄ngā rɔ̄n najə̄n tə́ aĺ ō. Banī rɔ̄nel̄ aĺ ń de kə́ dɔ nang tə́ gə̄ a adə̄n̄ ní a ojə i yo.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

JA̰A̰ 14:1

Jeju əda ngé ndóō yá̰a̰ yān gə̄: Ādī kemsí sōl̄ alé: Ī-taāī kem Nə́ɓā ō, ī-taāī kemḿ mā ō.

MARK 6:12

Ngé kə́ kutə gidə i jōó gə̄ ní aw̄n̄, a ənīn̄ mbēr̄ tūr̄ hál.

MARK 1:1

Ta kəla gír Najə̄ kə́ Majə yā Jeju Kərist Ngōn̄ Nə́ɓā.

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ Ɓē ko̰o̰ kə́ dɔ rā̰ tə́ i ngɔr.

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

JAKƏ 1:4

Banī ī-tə́gāī tasí ngá̰ý tá kadə̄ ī-téliīneé de kə́ majə ɔtə̄ kə taá gə̄ ō, ī-nalīneé yá̰á̰ kógə̄ḿ aĺ ō.

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

1 KORḚNTƏ 13:10

Ba loo ń ré yá̰á̰ kə́ majə ɔtə̄ kə taá reē ugə̄ anī, yá̰á̰ ń i yá̰á̰ kə́ majə ɔtə̄ kə taá aĺ ní a gətóo kɔ̄ɔ́.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

MATIYE 7:25

Man̄ edə, adə̄ bā taā loo reē ta kújə́ tə́ ō, nél əla dɔ kújə́ tə́ kə ngangāá ngá̰ý ō, ba kújə́ ní tetə alé, tɔdɔ̄ əndān̄ ngəran i dɔ mbal̄ tə́.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

1 TIMOTE 6:19

I tītə̄ ń noō n nin̄ a ɔsən̄neé dɔ yá̰a̰ kənge kə́ majə ō, kə́ rɔ̄kum ō, kə̄ naā tə́, tām̄ yā ndɔ̄ kə́ bírí tə́ ní, yā kadə̄ əngen̄neé ndi kə kumuú kə́ rɔ̄kum.

Najə̄ kə́ Majə yā Jeju ń Luk ndang ní 6:48

Ni to i tītə̄ de kə́ nge rāā kújə. Deē ndēr̄ bəlo adə̄ rúu ba əndā gíŕ kújə dɔ mbal̄ tə́ beē. Dan ń man̄ taā loo ba un nja kújə́ ní anī kújə́ ní yéȳ alé, tɔdɔ̄ rāān̄ kújə́ ní adə̄ ngan̄g majə.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

MATIYE 21:29

Anī ngōnən ní tél ədan na n-ɔdə alé. Banī gō tə́ sḛ́ý anī kumən teē dɔ yá̰á̰ kə́ majaĺ ń ni-rāā tə́ ní ō, kemən tūr̄ ō, adə̄ ɔtə aw̄ ndɔr̄ ní tə́.

1 KORḚNTƏ 2:6

Ɓá tā ba yá̰á̰ ń jə-ndóō de gə̄ yā Kərist kə́ kumdə́ ɔɔ̄ kɔ̄ɔ́ gə̄ ní, i kum kedə̄. Ba i kum kedə̄ kə́ dɔ nang tə́ laā aĺ ō, i kum kedə̄ yā ngār gə̄ kə́ dɔ nang tə́ laā gə̄ ń a gətóon̄ kɔ̄ɔ́ ní aĺ ō.

KOLOSƏ 3:14

Ba ə́laī tár tītə̄ kūbə̄ beé dɔ yá̰a̰ gə̄ ń noō tə́ malang. Tɔdɔ̄ tár to i tītə̄ kəlā kə́ do̰ō̰ de gə̄ naā tə́ majə ngá̰ý beē.