HEBƏRO 5:4 - Bibəl ta Sar̄

⁴ De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

Bible sar

⁴ De kə́ asə kəndā rɔ̄n ngol *ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń *Aaro̰ ní.

HEBƏRO 5:4 Referans Kwoze

Teē Ngán Israel gə̄ 28:1

Ī-ɓāŕ ngōkó̰ó̰í Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán Israel gə̄ tə́ ādə̄ rāān̄ kəla tun̄ yá̰a̰ yāḿ.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

2 YÁ̰A̰ GƏ̄ 26:18

Nin̄ ran̄ no mban̄g Ojias tə́ ba ədanən̄ na: Ojias, ndējə̄ Kɔ́ɔ̄ɓē ndujə̄ yá̰á̰ kə́ kotə majə i yá̰a̰ rāāí ḭ̄ alé! I kəla yā ngé tun̄ yá̰a̰ gə̄ ń nin̄ i de kə́ gír kojə yā Aaro̰ tə́ gə̄ ní. Əndān̄də́ nin̄ i kə rī rāā kəla ń noō. Ī-teē kɔ̄ɔ́ kem loo kə́ táĺ tə́, tɔdɔ̄ yá̰á̰ ń ī-rāā ní i gōtə́ alé. Nge ń noō Kɔ́ɔ̄ɓē a ɔsə gɔnií najə̄n tə́ alé!

1 YÁ̰A̰ GƏ̄ 23:13

Ngán Amram gə̄ i Aaro̰ nin̄ kə Moijə. Ɔ̄rə̄n̄ kam̄ Aaro̰ əndānən̄ tayā kə ngánən gēé kadə̄ əndān̄ rɔ̄də́ ta kəla kə́ kem loo kə́ táĺ ngá̰ý tə́, kə́ njɔ́ḿ gə̄ tə́. Yá̰a̰ gə̄ ń kadə̄ rāān̄ ní i ndējə̄ Kɔ́ɔ̄ɓē ndujə̄ yá̰á̰ kə́ kotə majə gə̄ ō, rāā kəla kə rīneé ō, tɔ́r̄ tadə́ dɔ de gə̄ tə́ kə rīneé ō.

JA̰A̰ 3:27

Anī Ja̰a̰ əda na: Deē kógə̄ḿ kə́ asə taā yá̰a̰ kanjə̄ kadə̄ i Nə́ɓā n adə̄n yá̰á̰ ní gətóo.

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

TƏ́DA 16:10

Kɔ́ɔ̄ɓē adī ḭ Kore ō, ngákó̰ó̰í gə̄ malang ń nin̄ i ngán Lebi gə̄ ní ō, ta róbə kaw̄ rɔ̄n tə́ kɔ̄ɔ́ ɓá, anī ī-sāāī kənge kəla tun̄ yá̰a̰ dɔ tə́ ɓáý to̰ a?

TƏ́DA 16:7

ba bírí anī ī-ɓōkíī yā̰l̄ hor gə̄ kemeé ō, ī-ɓōkíī kajaja kum yā̰l̄ hor gə̄ ní tə́ ta kum Kɔ́ɔ̄ɓē tə́ ō. Ba i deē ń Kɔ́ɔ̄ɓē ā gə̄rān ní n i de kə́ táĺ ní. Ngán Lebi gə̄, ń toō asə tā.

LEBI GƏ̄ 8:2

Ī-ɓāŕ Aaro̰ nin̄ kə ngánən̄ gēé ō, ɔ́y kūbə̄ gə̄ ō, ún yibə̄ kə́ táĺ ō, ə́hɔ man̄g kə́ bəra kə́ tun̄ tām̄ yā majaĺ tə́ ō, bal batə̄ kə́ jōó gə̄ ō, ún keē ń mápá kə́ kanjə̄ kaa mápa gə̄ i kemeé ní ō,

TƏ́DA 3:3

Ngán Aaro̰ gə̄ ń urən̄ yibə̄ dɔdə́ tə́ əndānəńdə́ kem kəla tun̄ yá̰á̰ tə́ ní n noó.

ESDRAS 7:5

kə́ ngōn̄ Abisua kə́ ngōn̄ Pinas kə́ ngōn̄ Eleajar kə ngōn̄ Aaro̰ ń i ngol ngé tun̄ yá̰a̰ gə̄ ní,