HEBƏRO 5:1 - Bibəl ta Sar̄

¹ Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

Bible sar

¹ Ngol *ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā *yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

HEBƏRO 5:1 Referans Kwoze

HEBƏRO 8:3

Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

HEBƏRO 9:9

Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

LEBI GƏ̄ 9:7

Gō tə́ anī Moijə əda Aaro̰ na kə ndɔ́tə́ ngɔr kə́ rɔ̄ loo tun̄ yá̰á̰ tə́ ba kə tun̄ yá̰á̰ kə́ tām̄ majaĺ yān nəkɔ́ Aaro̰ tə́ ō, yá̰á̰ kə yā róō horoó kadə̄ Kɔ́ɔ̄ɓē tām̄ yān nəkɔ́ Aaro̰ tə́ ō. Kə rāań yá̰á̰ kə́ yā kutə̄ń dɔ majaĺ yān ō, yā ngán Israel gə̄ ō. Gō tə́ anī kə ndējə̄ yá̰a̰ yādə́ kə́ yā kutə̄ń dɔ majaĺ yādə́ ō, tītə̄ ń Kɔ́ɔ̄ɓē ədań ní.

LEBI GƏ̄ 8:2

Ī-ɓāŕ Aaro̰ nin̄ kə ngánən̄ gēé ō, ɔ́y kūbə̄ gə̄ ō, ún yibə̄ kə́ táĺ ō, ə́hɔ man̄g kə́ bəra kə́ tun̄ tām̄ yā majaĺ tə́ ō, bal batə̄ kə́ jōó gə̄ ō, ún keē ń mápá kə́ kanjə̄ kaa mápa gə̄ i kemeé ní ō,

Makətūbə̄ ń Pol ndang adə̄ Rom gə̄ ní 15:17

Adə̄ m-ásə rāā rɔ̄nel̄ kəla ń m̄-rāā tām̄ yā Nə́ɓā tə́ ní sɔɔ̄ń i ɓoo naā yāḿ kə́ kə Jeju Kərist.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

HEBƏRO 8:4

Nə́ngētə́ gēé Kərist i dɔ nang tə́ laā anī, ni a tél nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā yá̰a̰ ndējə̄ kə gō ndū najə̄ gə̄ ndin̄ laā kɔ̄ɔ́ ɓá.

HEBƏRO 10:12

Ba Kərist ni ndējə̄ yá̰a̰ tun̄ kə́ tām̄ yā majaĺ tə́ i nja kógə̄ḿ beē. Gō tə́ anī ni-ndi dɔ jī ko̰ Nə́ɓā tə́ ngándáńg.