HEBƏRO 4:4 - Bibəl ta Sar̄

⁴ Tɔdɔ̄ ɔrə̄n̄ najə̄ kə́ dɔ ndɔ̄ kə́ nge ko̰ sīrí tə́ kem makətūbə̄ yā Nə́ɓā tə́ na: Nə́ɓā ɔr̄ koō tām̄ kəla malang ń ni-rāā tə́ ní kə ndɔ̄ kə́ nge ko̰ sīrí.

Bible sar

⁴ Tɔdɔ̄ ɔrə̄n̄ najə̄ kə́ dɔ ndɔ̄ kə́ nge ko̰ sīrí tə́ kem makətūbə̄ yā Nə́ɓā tə́ na: Nə́ɓā ɔr̄ koō tām̄ kəla malang ń ni-rāā tə́ ní kə ndɔ̄ kə́ nge ko̰ sīrí.

HEBƏRO 4:4 Referans Kwoze

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

Teē Ngán Israel gə̄ 31:17

Ndɔ̄ ń noō i ndɔ̄ kə́ ɔ́jə dɔ ɓoo naā yāḿ mā Kɔ́ɔ̄ɓē kə ngán Israel gēé kə́ a to ngándáńg. I yá̰á̰ kə́ ɔjə kadə̄ m̄-rāā dɔ rā̰ ō, dɔ nang ō, i kem ndɔ̄ mehḛ́, ba kə ndɔ̄ kə́ nge ko̰ sīrí anī m-ɔ̄r̄ koō.

HEBƏRO 2:6

Ba deē kógə̄ḿ əda kem makətūbə̄ yā Nə́ɓā tə́ loo kə́rēý tə́ na: Nə́ɓā, deē ndul i rí á kadə̄ əga kemií dɔn tə́ ní? aláa ngōn̄ deē i rí á kadə̄ á̰a̰ gōn ní?

NDŪ NAJƏ̄ 5:14

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, man̄g yāí ō, kərō yāí ō, dā̰ kógə̄ḿ kə́ dan dā̰ yāí gə̄ tə́ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla ndɔ̄ ń noō tə́ alé. Majə kadə̄ ngé kəla yāí kə́ dəngam gə̄ ō, kə́ dəyá̰ gə̄ ō, ɔrə̄n̄ koō tītə̄ yāí.

HEBƏRO 4:10

Tɔdɔ̄ deē ń udə tū kɔr̄ koō ń Nə́ɓā əndā dɔ danaá tə́ ní, kɔ́ɔ̄ ɔr̄ koō kəla yān tītə̄ ń Nə́ɓā ɔrə̄ń koō kəla yān ní ō.