HEBƏRO 4:16 - Bibəl ta Sar̄

¹⁶ I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

Bible sar

¹⁶ I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

HEBƏRO 4:16 Referans Kwoze

EPEJƏ 3:12

Kə ta kūl̄ ɓoojí naā kə Kərist ō, taā kə́ jə-taāī kemən ō ní, j-əngeī ta róbə kənī kemjí kaw̄ń rɔ̄ Nə́ɓā tə́.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

HEBƏRO 7:19

Tɔdɔ̄ yá̰á̰ kə́ ndū najə̄ yā Moijə rāā adə̄ reē majə ɔtə̄ kə́ taá beé gətóo. Banī adə̄n̄jí kəndā kem dɔ tə́ kə́ majə tɔȳ kə́ kété. Adə̄ jə-ndɔ́tī ngɔr kə̄ rɔ̄ Nə́ɓā tə́, i kə ta kūl̄ kəndā kem dɔ tə́ ngeé ń toō.

LEBI GƏ̄ 16:2

Ə́da ngōkó̰ó̰í Aaro̰ na kə lōō kudə kə̄ noó kem loo kə́ táĺ ngá̰ý ń sandúkə ndū najə̄ gə̄ ō, yá̰a̰ tan ō, i tū tə́ á gāngə̄n̄ gír kə kūbūú ní, na sōgə́ a oy loo ń m-ā m̄-teē tū yá̰á̰ kə́ tītə̄ kil̄ man̄ tə́ dɔ ta sandúkə tə́ ní.

HEBƏRO 9:5

De kə́ dɔ rā̰ tə́ gə̄ kə́ to kɔsə gɔn gə̄ i dɔ tə́, rāān̄ ndíl dɔ loo kənge mā̰ȳ rɔ̄ tə́ ń i dɔ sandúkə madə̄ naā tə́ ní. Ba ngɔlaā ní, loo kɔr̄ najə̄ gə̄ ń noō kə ta njaá kógə̄ḿ kógə̄ḿ gətóo.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

1 YÁ̰A̰ GƏ̄ 28:11

Dabid adə̄ ngōnən Salomo̰ makətūbə̄ kə́ ɔjə loo rāā ngōn̄ kújə́ kə́ ta róbə tə́ naā tə́ kə kújə́ kə́ kadə tə́ gēé. Adə̄ i kújə ngɔ̄m̄ yá̰a̰ gə̄ ō, kújə́ kə́ dɔɔ́ gə̄ ō, kújə́ kə́ kemeé gə̄ ō, kújə́ ń sandúkə́ kə́ táĺ a ndi kemeé ní ō.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.