HEBƏRO 4:12 - Bibəl ta Sar̄

¹² Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

Bible sar

¹² Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

HEBƏRO 4:12 Referans Kwoze

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

EPEJƏ 6:17

Yā tɔ̄ləń ta anī, ə́laī jākā ń i kajə ń ajiī kɔ̄ɔ́ ní dɔsí tə́ ō, úniī kəyā kaskar ń i najə̄ yā Nə́ɓā ń Ndíĺ adə̄sí ní jīsí tə́ ō.

PĀ GƏ̄ 119:130

Najə̄ yāí kə́ teē dɔ tə́ teē kum deē dɔ yá̰á̰ tə́, rāā adə̄ ngé kum gān̄g aĺ gə̄ gerə̄n̄ kəndā ma̰ȳ yá̰a̰.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

IJAI 49:2

Ni-rāā adə̄ najə̄ yāḿ i kaskar kə́ a əja yá̰a̰ gān̄g. Ni ɓɔ̄ɔ̄m̄ ndíl jīn tə́. Ni-rāā adə̄ mā i kum gərā kə́ usən̄ kum majə, ni əlam̄ kem ngong gərā yān gə̄ tə́.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

PĀ GƏ̄ 149:6

Ādə̄ teēn̄ tadə́ tɔ̄ȳn̄neé Nə́ɓā ō, ādə̄ əhɔn̄ kaskar kə́ kumən atə dām̄ jōó jīdə́ tə́ ō!

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

EPEJƏ 5:13

Yá̰a̰ malang ń deē teē kə gírneé ndágá ní, i kə́ teēn̄ kum loo kə́ unjə̄ kow tə́,

Najə̄ kə́ Majə yā Jeju ń Luk ndang ní 8:11

Najə̄ ń m-ún gidə kə̄ gogə́ m-ɔ̄r̄ ní kumən n toó: Kum kōō ní, i najə̄ yā Nə́ɓā.

PĀ GƏ̄ 139:2

Ī-ger̄ ta ndiḿ kə̄ nang tə́ ō, ta kḭḭḿ kə̄ dɔɔ́ ō. Yá̰á̰ ń m̄-sāā rāā ní, ḭ̄ ī-ger̄ kété kɔ̄ɔ́ ɓá.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

PĀ GƏ̄ 45:3

Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

JEJU TEĒ KUM JA̰A̰ 19:21

Kaskar ń teē ta deē ń ndi dɔ sə́ndá tə́ ní tɔ̄l̄ gotə de kə́ rang gə̄, adə̄ yel̄ gə̄ malang əsan̄ dā̰də́ ndānə̄n̄.

JEJU TEĒ KUM JA̰A̰ 2:16

I beé ní, ī-tūr̄ hálí. Ré ī-tūr̄ hálí aĺ anī, m-ā m-āw̄ looí ngɔr ń toō tə́ yā rɔ̄ɔ̄də́ kə kəyā kə́ taḿ tə́.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

Gōsə̄ najə̄ gə̄ 5:4

Banī ta tɔ̄l̄ ta anī atə̄ kárárá ō, atə tītə̄ kaskar kə́ atə dām̄ jōó ō.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

1 KORḚNTƏ 1:24

Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.

KƏLA RĀĀ 5:33

Dan ń nin̄-oōn̄ najə̄ gə̄ ń noō ní anī wōn̄g asədə́ nák, adə̄ sāān̄ tɔ̄l̄ ngámbang kəla gə̄ kɔ̄ɔ́.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

KƏLA RĀĀ 7:38

Dan ń ngán Israel gə̄ kánə̄n̄ naā kem dəla loo tə́ ní, i ni n i nge ra mbənā kaají gə̄ tə́ kə de kə́ dɔ rā̰ tə́ ń a ɔr̄ najə̄ seneé dɔ mbal̄ Sinai tə́ ní. I ni n taā najə̄ kə́ a rāā deē kadə̄ ndi kə kumneé adə̄jí ní.

EPEJƏ 5:26

I tītə̄ ń noō n ni-ɔrə̄ń kam̄ ngé kán̄ naā gə̄ kə ta kūl̄ tə́gódə́ kə maná kadə̄ unjə̄n̄ ní, adə̄ i kə ta kūl̄ najá.

HEBƏRO 6:5

Nin̄-nāān̄ najə̄ kə́ nel̄ ngá̰ý yā Nə́ɓā ō, nin̄-gerə̄n̄ tɔ́gə yā dɔ nang kə́ kijə kə́ ndɔ̄ń tə́ ō.

NGÉ SARYA 3:16

Ehud oo kəyā kə́ katə dām̄ jōó, kə́ ngālən asə kíl deē kógə̄ḿ. Do̰ō̰ kəyā ní dɔ ɓúrən kə́ ko̰ō̰ tə́, ba əla kūbə̄ dɔ tə́.