HEBƏRO 4:11 - Bibəl ta Sar̄

¹¹ I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

Bible sar

¹¹ I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

HEBƏRO 4:11 Referans Kwoze

HEBƏRO 3:18

Dan ń Nə́ɓā túbə əda na: Nin̄ a ugə̄n̄ ɓē ń m-ə̄ndā dɔ kɔr̄ koō danaá tū tə́ tām̄ yādə́ tə́ ní alé ní, ni-ɔr̄ i najə̄ yā náā gə̄? I ngé gə̄ ń əsōn̄ wōn̄g ní n ni-ɔr̄ najə̄ yādə́ ní.

Najə̄ kə́ Majə yā Jeju ń Luk ndang ní 13:24

Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.

HEBƏRO 6:11

Ba jə-gḛy kadə̄ sḭḭ̄ kógə̄ḿ kógə̄ḿ ní, o̰o̰sí tɔdɔ̄ Nə́ɓā bátə́ ta tɔ̄l̄ ta tə́. Loo ń noō tə́ yá̰á̰ ń ə̄ndāī kemsí dɔ tə́ ní a reē yā kudə gírí kə taá malang.

EPEJƏ 5:6

Ādī deē kógə̄ḿ gól̄sí kə mbóo najá alé. Ī-tām̄ yá̰á̰ kə́ tītə̄ ń noō gə̄ tə́ n wōn̄g yā Nə́ɓā a reēń dɔ ngé gə̄ ń mbātə́n̄ koō najə̄ tan tə́ ní.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

KOLOSƏ 3:6

I yá̰a̰ gə̄ ń toō n a ndɔ́rə̄n̄ wōn̄g yā Nə́ɓā yā reēń ní.

KƏLA RĀĀ 26:19

Adə̄ mban̄g Agəripa, m̄-mbātə́ najə̄ ta yá̰á̰ kə́ dɔ rā̰ tə́ ń m-á̰a̰ā̰ ní tə́ alé.

Najə̄ kə́ Majə yā Jeju ń Luk ndang ní 16:16

Ndū najə̄ yā Moijə ō, makətūbə̄ yā ngé koō ta gə̄ ō, ton̄ bátə́ ugə̄ń ɓāl̄ yā Ja̰a̰ tə́. Ba əla gír ndɔ̄ nəkɔ́ ń noō tə́ ní, ənīn̄ mbēr̄ Najə̄ kə́ Majə kə́ dɔ Ɓē ko̰o̰ yā Nə́ɓā tə́, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

MATIYE 11:12

Əla gír kem ndɔ̄ gə̄ ń Ja̰a̰ Batistə a ɔjəń de gə̄ najə̄ tə́ bátə́ ngɔlaā ní, ənīn̄ Ɓē ko̰o̰ kə dɔ rā̰ tə́ rɔ̄ɔ̄ i kə ngangāá ngá̰ý, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

MATIYE 7:13

Údiī kə ta róbə́ kə́ dūú. Tɔdɔ̄ róbə́ kə́ bo mbo̰o̰ ō, kə́ laa binding ō, a tḭ̄ḭ̄ i ta deē. Ba ngé kunən gə̄ i ngá̰ý.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

HEBƏRO 4:6

Ngé gə̄ ń i nin̄ n oōn̄ Najə̄ kə́ Majə ń toō ta kəga dɔ ní, udən̄ tū kɔr̄ koō ngeé ń toō tə́ alé, i tɔdɔ̄ nin̄-taān̄ kem alé. Adə̄ ta róbə to tām̄ yā de kə́ rang gə̄ tə́ ɓáý kadə̄ nin̄-udən̄ tū tə́.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

JOJUE 7:3

tél reē ədan̄ Jojue na: Ādə̄ gír de gə̄ malang aw̄n̄ alé. De gə̄ dūbú jōó, aláa dūbú, ətá asən̄ kaw̄ rɔ̄ɔ̄ ɓē kə́ Ai karī. Ī-lōō kadə̄ gír de gə̄ malang aw̄n̄ njə̄ɓānəń rɔ̄də́ ndáńg, tɔdɔ̄ de kə́ Ai gə̄ ngá̰ý alé.