HEBƏRO 3:9 - Bibəl ta Sar̄

⁹ Nə́ɓā əda na: Kaasí gə̄ a̰a̰n̄ yá̰a̰ malang ń m̄-rāā ní kə kumdə́ ɓāl̄ kutə sɔ́, banī tɔ́sə̄n̄ gātə̄ḿ loo ń noō tə́ ō, nāāmə̄n̄ ō.

Bible sar

⁹ Nə́ɓā əda na: Kaasí gə̄ a̰a̰n̄ yá̰a̰ malang ń m̄-rāā ní kə kumdə́ ɓāl̄ kutə sɔ́, banī tɔ́sə̄n̄ gātə̄ḿ loo ń noō tə́ ō, nāāmə̄n̄ ō.

HEBƏRO 3:9 Referans Kwoze

KƏLA RĀĀ 7:36

I ni n-teē sedə́ kɔ̄ɔ́ kem ɓē kə́ Ejiptə tə́ ní, tɔdɔ̄ ni-rāā yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, kem ɓē ní tə́ ō, bā ń a ɓārə́n̄ na i bā Kərē ní tə́ ō, kem dəla loo tə́ ɓāl̄ kutə sɔ́ ō.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

JOJUE 24:7

Bɔbə̄sí gə̄ əgan̄ kɔŕ kə̄ dɔ Kɔ́ɔ̄ɓē tə́, adə̄ Kɔ́ɔ̄ɓē əndā loo kə́ risə til dɔ dáńsí tə́ kə de gə̄ ké Ejiptə gēé. Ba gō tə́ anī Kɔ́ɔ̄ɓē rāā adə̄ bā bo ɔr tan dɔdə́ tə́. Yá̰á̰ ń m̄-rāā kə de kə́ Ejiptə gə̄ ní, sḭḭ̄ á̰a̰ī kə kumsí. Gō tə́ anī ī-ndiī kem dəla loo tə́ dan i ngá̰ý.

NDŪ NAJƏ̄ 8:4

Kem ɓāl̄ kə́ kutə sɔ́ gə̄ ń ī-rāāī kem dəla loo tə́ ní, kūbə̄ yāsí gə̄ ngísən̄ aĺ ō, njasí gə̄ tágə̄n̄ aĺ ō.

NDŪ NAJƏ̄ 4:3

Yá̰á̰ ń Kɔ́ɔ̄ɓē rāā Baal Peor ní, sḭḭ̄ kɔ́ gə̄ á̰a̰ī kə kumsí malang. De gə̄ malang ń unən̄ gō ɓesə̄ Baal kə́ Peor ní, Kɔ́ɔ̄ɓē Nə́ɓā yāsí nujə sedə́ kɔ̄ɔ́ malang dɔ dáńsí tə́.

Teē Ngán Israel gə̄ 19:4

Sḭḭ̄ kɔ́ gə̄ á̰a̰ī yá̰á̰ ń m̄-rāā kə de kə́ Ejiptə gēé ní ō, á̰a̰ī loo reē ń m̄-reē sesí rɔ̄ḿ tə́ laā ngɔr tītə̄ kə̄rō kə́ ɔy ngánən gə̄ dɔ bɔ̄gə̄n tə́ ní ō.

KƏLA RĀĀ 13:8

Banī Elimas ń kumən na i nge rāā mbōlí ní ɔgə̄də́ ō, sə̄lā nge ko̰o̰ ɓē kadə̄ taā kem najə̄ yā Nə́ɓā aĺ ō.

Najə̄ kə́ Majə yā Jeju ń Luk ndang ní 7:22

Gō tə́ anī ni-tūr̄ əda de gə̄ ń Ja̰a̰ əladə́ ní na: Yá̰á̰ ń sḭḭ̄ á̰a̰ī ō, ōōī ō ní āw̄ ɔ́jiī Ja̰a̰ gotə: Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

AMOS 2:10

Kété ní, mā m̄-teē sesí kɔ̄ɔ́ kem ɓē kə́ Ejiptə tə́ ō, m-ɔ́r nosí dəla loo tə́ ɓāl̄ kutə sɔ́ yā kadə̄ ə́ngeīń dɔ nang yā Amor gə̄ ō.

JOJUE 23:3

Yá̰á̰ malang ń Kɔ́ɔ̄ɓē Nə́ɓā yāsí rāā kə nápar de gə̄ kə́ dɔ nang ń toō tə́ tām̄ yāsí tə́ ní, sḭḭ̄ kɔ́ gə̄ á̰a̰ī kə kumsí. Tɔdɔ̄ ni tɔ̄ɔ̄ tām̄ yāsí tə́.

NDŪ NAJƏ̄ 29:2

Yá̰a̰ nāā kə́ ngan̄g gə̄ ń əngedə́ ní ō, yá̰a̰ gə̄ ń Nə́ɓā rāādə́ yā kɔjəń yá̰á̰ ní ō, yá̰á̰ kə́ yáā kə́ to ɓōĺ gə̄ ń ni rāādə́ ní ō, sḭḭ̄ á̰a̰ī kə kumsí.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

TƏ́DA 14:33

Ba ngáńsí gə̄ a ngɔ̄mə̄n̄ yá̰a̰ kul̄ yādə́ gə̄ loo ń toō tə́ ɓāl̄ kutə sɔ́. Yá̰á̰ kə́ tōr̄ a rāādə́ tām̄ rāā gōtə́ aĺ yāsí tə́ bátə́ kadə̄ óyiīń malang kɔ̄ɔ́ kem dəla loo ń toō tə́.

Teē Ngán Israel gə̄ 20:22

Kɔ́ɔ̄ɓē əda Moijə na: Yá̰á̰ ń kadə̄ ə́da ngán Israel gə̄ ní n toó: Sḭḭ̄ kɔ́ gə̄ á̰a̰ī kadə̄ m̄-ndi i dɔ rā̰ tə́ n m-ɔ̄rəń najə̄ sesí ní.

JOJUE 5:6

Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

NDŪ NAJƏ̄ 11:7

Yá̰á̰ kə́ bo ngá̰ý gə̄ malang ń Kɔ́ɔ̄ɓē rāā ní sḭḭ̄ á̰a̰ī kə kumsí.

PĀ GƏ̄ 95:9

Kaasí gə̄ tɔ́sə̄n̄ gātə̄ḿ ō, nāāmə̄n̄ ō, i loo ń noō tə́. Nin̄ a̰a̰mə̄n̄ kété loo rāā kəla tə́ gə̄gē ba tɔ́sə̄n̄ gātə̄ḿ.