HEBƏRO 3:7 - Bibəl ta Sar̄

⁷ I tām̄ najə̄ ń toō tə́ n, tītə̄ ń Ndíĺ kə́ Táĺ ədań ní: Ɓōólaā ré ōōī ndū Nə́ɓā anī,

Bible sar

⁷ I tām̄ najə̄ ń toō tə́ n, tītə̄ ń *Ndíĺ kə́ Táĺ ədań ní: Ɓōólaā ré ōōī ndū Nə́ɓā anī,

HEBƏRO 3:7 Referans Kwoze

HEBƏRO 3:15

Tɔdɔ̄ ədan̄ na: Ɓōólaā ré ōōī ndū Nə́ɓā anī, ī-lōōī rāā dɔ ngan̄g tītə̄ kə́ ndɔ̄ kəsō wōn̄g tə́.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

HEBƏRO 4:7

I tām̄ najə̄ ń toō tə́ n Nə́ɓā gān̄g ndɔ̄ kə́ rang ɓáý to̰ ní, ni-əndā rī dɔ ndɔ̄ ní tə́ na i ɓōólaā. Ni-ɔr̄ najə̄n i gō gogə́ ngá̰ý kə ta kūl̄ Dabid, tū najə̄ ń jə-tə́daī kété laā tə́ ní, najə̄ ní n toó, ɓōólaā ré ōōī ndū Nə́ɓā anī, ī-lōōī rāā dɔ ngan̄g.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

PĀ GƏ̄ 81:13

Loo ń noō tə́ m-ə́yá̰də́ kə kem ngan̄g yādə́, kadə̄ rāān̄ yá̰á̰ ń kemdə́ gḛy ní tā!

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

PĀ GƏ̄ 81:11

I mā n i Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kem ɓē kə́ Ejiptə tə́ ní. Ī-teē taí ngá̰ý na m-ā m̄-ɓōkə́ yá̰a̰ kemeé kadə̄ rosə.

JA̰A̰ 10:3

Nge ngɔ̄m̄ ta gɔng a teē ta yā kadə̄n ō, batə̄ gə̄ a oōn̄ ndūn ō. Ni a ɓāŕ batə̄ yān gə̄ kə rīdə́ gēé, ba aw̄ sedə́ ndágá.

JA̰A̰ 5:25

Ādə̄ m-ə́dásí najə̄ kə́ bo ngá̰ý, ndɔ̄ ń kadə̄ de kə́ koy gə̄ a oōń ndū Ngōn̄ Nə́ɓā ní a reē, ń toō ndɔ̄ ní ugə̄ ɓá, ba ngé gə̄ ń a oōn̄ ndūn ní a ndin̄ kə kumdə́.

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

2 SAMUEL 23:2

Ndíĺ Kɔ́ɔ̄ɓē ɔr̄ najə̄ kə kūlə̄ḿ, ni-əndā najə̄ yān ta ndo̰ḿ tə́.

HEBƏRO 9:8

I tītə̄ ń toō n Ndíĺ kə́ Táĺ ɔjəjí kadə̄ dan ń kújə́ kə́ kété to ɓáý ní, róbə́ kə́ loo kə́ táĺ ngá̰ý ta teē aĺ ɓáý.

MATIYE 22:43

Jeju ədadə́ na: Ré i beé anī Dabid ń ɔr̄ najə̄ kə ta kūl̄ Ndíĺ kə́ Táĺ ní, rāā i ba̰ý n ɓārə́n na i Kɔ́ɔ̄ɓē ní? Tɔdɔ̄ Dabid əda na:

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

KƏLA RĀĀ 28:25

Dan ń nin̄ a tḭ̄ḭ̄n̄ i naā kanjə̄ ɓōkə́ ndūdə́ gō naā tə́ ní, Pol ədadə́ i najə̄ ń toō ngóy, əda na:

MARK 12:36

Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

KƏLA RĀĀ 1:16

Ngákó̰ó̰ḿ gə̄, i gáŕ kadə̄ yá̰á̰ ń Ndíĺ kə́ Táĺ əda najə̄n kété á ndangən̄ ní reē udə gírí. Judas ń tél nge kɔr no ngé kəhɔ Jeju gə̄ ní, Ndíĺ kə́ Táĺ əndā najə̄ yān ta Dabid tə́ adə̄ ɔr̄ kété kɔ̄ɔ́ adə̄ ndangən̄.

KƏLA RĀĀ 8:29

Anī Ndíĺ kə́ Táĺ əda Pilipə na: Ī-njə̄rā kə̄ kété, aw̄ ngɔr rɔ̄ púsə́ ń noō tə́.

HEBƏRO 10:15

Ndíĺ kə́ Táĺ ɔjəjí kə́ rɔ̄kum tə́ ō. Tɔdɔ̄ najə̄ ń ni-əda ta kəga dɔ ni n toó: