HEBƏRO 3:5 - Bibəl ta Sar̄

⁵ Kə́ tām̄ yā Moijə tə́ ɓáa, ni-ra dɔ ndūn tə́ kem kújə yā Nə́ɓā tə́ kə taá malang. Ni i nge rāā kəla ō, ni i de kə́ kum tə́ yā najə̄ ń Nə́ɓā a rāā yā kəda ní ō.

Bible sar

⁵ Kə́ tām̄ yā Moijə tə́ ɓáa, ni-ra dɔ ndūn tə́ kem kújə yā Nə́ɓā tə́ kə taá malang. Ni i nge rāā kəla ō, ni i de kə́ kum tə́ yā najə̄ ń Nə́ɓā a rāā yā kəda ní ō.

HEBƏRO 3:5 Referans Kwoze

TƏ́DA 12:7

Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

HEBƏRO 3:2

Tɔdɔ̄ ni-ra dɔ ndūn tə́ kə Nə́ɓā ń ɔjə dɔn tām̄ yā kəla ń toō tə́ ní, tītə̄ yā Moijə ń ədan̄ najə̄ yān na: Ni i de kə́ ra dɔ ndūn tə́ kem kújə yā Nə́ɓā tə́ kə́ taá malang ní.

Teē Ngán Israel gə̄ 14:31

Ngán Israel gə̄ a̰a̰n̄ tɔ́gə Kɔ́ɔ̄ɓē loo rɔ̄ɔ̄ tə́ kə de kə́ Ejiptə gēé adə̄ ɓōĺnən̄. Nin̄-ənīn̄ kemdə́ adə̄nən̄ ō, ənīn̄ kemdə́ adə̄n̄ Moijə nge kəla yān ō.

PĀ GƏ̄ 105:26

Loo ń noō tə́ ni-əla nge kəla yān Moijə ō, Aaro̰ ń ni gə̄rān ní ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

HEBƏRO 8:5

Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

1 TIMOTE 1:12

m̄-ndadə̄ Kɔ́ɔ̄ɓē Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

JOJUE 1:2

Nge kəla yāḿ Moijə oy kɔ̄ɔ́, adə̄ ngɔlaā ní i ḭ̄ n ə̄ndā dɔ rɔ̄í danaá yā teē bā Jurdḛ kə ngán Israel gēé yā kaw̄ sedə́ dɔ nang ń m-ādə̄də́ tə́ ní.

NDŪ NAJƏ̄ 34:5

Adə̄ Moijə ń i nge kəla yā Kɔ́ɔ̄ɓē ní oy i loo ń noō tə́, dɔ nang kə́ Moab tə́, tītə̄ ń Kɔ́ɔ̄ɓē ədań ní.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

Makətūbə̄ ń Pol ndang adə̄ Rom gə̄ ní 3:21

Ba ngɔlaā Nə́ɓā ɔjəjí loo rāā ń rāājí adə̄ jə-téliī de kə́ gōtə́ gə̄ ta kumən tə́ kanjə̄ ndū najə̄ ní. Ndū najə̄ ngeé ń toō ō, ngé koō ta gə̄ ō, ədan̄ wáńg

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

JOJUE 8:31

Ni-rāā loo tun̄ yá̰á̰ ní i tītə̄ ń Moijə nge kəla yā Kɔ́ɔ̄ɓē ɔjəń ngán Israel gə̄ ní. Ɔjən̄ loo rāā loo tun̄ yá̰á̰ ní kem makətūbə̄ ndū najə̄ yā Moijə tə́ i beé: Ā ī-rāāī loo tun̄ yá̰á̰ ní i kə mbal̄ gə̄ kə́ ton̄ kə taá ō, kə́ deē tɔ́sə̄ kadə̄ kə yá̰a̰ rāā kəla kə́ rāā kə gindī aĺ ō. Tunə̄n̄ dā̰ kə́ róō horoó ō, dā̰ kə́ tām̄ yā kem kógə̄ḿ tə́ ō dɔ loo tun̄ yá̰á̰ ní tə́ adə̄n̄ Kɔ́ɔ̄ɓē.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

KƏLA RĀĀ 7:37

I Moijə ngeé ɓáý to̰ n əda ngán Israel gə̄ najə̄ ń toō ní, ni-ədadə́ na: Nə́ɓā a teē kə nge koō ta kógə̄ḿ kə́ tītə̄ḿ beē dan ngákó̰ó̰sí gə̄ tə́ yā kadə̄sí.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

MATIYE 24:45

Nge kəla kə́ nge ra dɔ ndūn tə́ ō, kə́ nge kum kedə̄ ō ń kɔ́ɔ̄n əndā kəla ka̰a̰ gō ngé kəla madə̄n gə̄ dɔn tə́, kadə̄ adə̄də́ yá̰a̰ kəsa yādə́ kə kum mbangneé ní i náā?

JOJUE 8:33

Ngán Israel gə̄ malang kə kum kɔɔ̄ yādə́ gə̄ ō, ngé ndóōdə́ ndū najə̄ gə̄ ō, ngé gān̄g sarya yādə́ gə̄ ō, tə̄rā gə̄ ń ndin̄ dɔ dáńdə́ tə́ ní ō, ɔsə̄n̄ naā dām̄ jōó gidə sandúkə madə̄ naā yā Kɔ́ɔ̄ɓē tə́, kumdə́ sɔɔ̄ ngán Lebi kə́ ngé tun̄ yá̰a̰ gə̄ ń ətōn̄ sandúkə ní. Núsə́də́ kə́rēý i kum kə̄ mbal̄ Garijim tə́ ō, kə́ noō i kum kə̄ mbal̄ Ebal tə́ ō. Moijə əda kété kadə̄ ré a tɔ́rə̄n̄ tadə́ dɔ ngán Israel gə̄ tə́ ɓáa kə rāān̄ i tītə̄ ń nuū.

JOJUE 1:15

bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

NDŪ NAJƏ̄ 3:24

Kɔ́ɔ̄ɓē Nə́ɓā, ə́lá gír kɔjəm̄ mā nge kəla yāí kadə̄ ḭ̄ i de kə́ bo ō, tɔ́gə jīí to ō, kɔ̄ɔ́ ɓá. Nə́ɓā kógə̄ḿ kə́ dɔ rā̰ tə́ aké dɔ nang tə́, kə́ rāā yá̰a̰ tītə̄ yāí ō, kə́ tɔ́gən asə seí ō, ndi noó a?

NEHEMI 9:14

Ī-rāā ādə̄ gerə̄n̄ ndɔ̄ sabat ń i ndɔ̄ yāí kə́ kɔr̄ kam̄ tayā ní ō, ə́dádə́ yá̰a̰ gə̄ kə́ kadə̄ rāān̄ gə̄ ō, ɔ́jə́də́ jī bēl̄ loo rāā yá̰a̰ gə̄ ō, ādə̄də́ ndū najə̄ ō, kə ta kūl̄ nge kəla yāí Moijə.

Teē Ngán Israel gə̄ 40:16

Moijə udə rɔ̄ kəla tə́, rāā yá̰á̰ ń Kɔ́ɔ̄ɓē ədan ní kə gōó,

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

HEBƏRO 3:4

Tɔdɔ̄ kújə gə̄ malang aw̄n̄ kə nge rāādə́ gēé, ba nge rāā yá̰a̰ malang i Nə́ɓā.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.