HEBƏRO 3:16 - Bibəl ta Sar̄

¹⁶ De gə̄ ń oōn̄ ndū Nə́ɓā ba əsōn̄ wōn̄g tan tə́ ní i náā gə̄. I de gə̄ malang ń Moijə teē sedə́ kɔ̄ɔ́ kem ɓē kə́ Ejiptə tə́ ní.

Bible sar

¹⁶ De gə̄ ń oōn̄ ndū Nə́ɓā ba əsōn̄ wōn̄g tan tə́ ní i náā gə̄. I de gə̄ malang ń Moijə teē sedə́ kɔ̄ɔ́ kem ɓē kə́ Ejiptə tə́ ní.

HEBƏRO 3:16 Referans Kwoze

TƏ́DA 14:2

Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

TƏ́DA 14:30

Dɔ nang ń m-ə̄nī míndə́ḿ yā kadə̄sí kadə̄ ī-ndiī tū tə́ ní, ā ūgī tū tə́ aĺ bátə́, ba i Kaleb ngōn̄ Yepune ō, Jojue ngōn̄ Nun ō, ngóy n a ugə̄n̄ tū tə́ ní.

NDŪ NAJƏ̄ 1:38

Ba i nge kəla yāí ń i Jojue ngōn̄ Nun ní n a əndā njan tū tə́ ní. Əla go̰ kemən tə́ ādə̄ əhɔ rɔ̄n tɔgə. I ni n a ɔr no ngán Israel gə̄ yā kaw̄ kənīń rɔ̄ɔ̄ ba taāń dɔ nang kadə̄də́ ní.

PĀ GƏ̄ 78:17

Banī nin̄ rāān̄ majaĺ seneé ɓáý, mbātə́n̄ najə̄ ta Nə́ɓā kə́ dɔɔ́ sa̰y ngá̰ý tə́, kem dəla loo tə́ kə̄ nodə́ tə́.

TƏ́DA 26:65

Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.

TƏ́DA 14:38

Dan de gə̄ ń Moijə əladə́ kəndā ma̰ȳ dɔ nang kə́ Kanaan tə́ ní, i Jojue nin̄ kə Kaleb ngóy n ndin̄ kə kumdə́, ba gotə gə̄ oyn̄ kɔ̄ɔ́ malang.

TƏ́DA 14:24

Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

TƏ́DA 14:4

Tā anī nin̄ tél ədan̄ naā dɔ dáńdə́ tə́ na: Ādə̄ j-əndāī ngār kógə̄ḿ dɔjí tə́, ba jə-tél j-awī gogə́ dɔ nang kə́ Ejiptə tə́.

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.