HEBƏRO 3:10 - Bibəl ta Sar̄

¹⁰ I tām̄ najə̄ ń noō tə́ n wōn̄g rāām̄ kə de gə̄ ń noō ní, adə̄ m-ə́da na gír̄ yādə́ ndúm̄ i mbéé ngándáńg. Yá̰á̰ ń mā m̄-ndi m̄-ngóō ta kadə̄ rāān̄ ní, nin̄-gerə̄n̄ kum alé.

Bible sar

¹⁰ I tām̄ najə̄ ń noō tə́ n wōn̄g rāām̄ kə de gə̄ ń noō ní, adə̄ m-ə́da na gír̄ yādə́ ndúm̄ i mbéé ngándáńg. Yá̰á̰ ń mā m̄-ndi m̄-ngóō ta kadə̄ rāān̄ ní, nin̄-gerə̄n̄ kum alé.

HEBƏRO 3:10 Referans Kwoze

PĀ GƏ̄ 95:10

De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́, adə̄ m-ə́da na: I de kə́ dɔdə́ gətóo gə̄, nin̄ gerə̄n̄ róbə yāḿ gə̄ alé.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

PĀ GƏ̄ 67:2

Nə́ɓā, á̰a̰ kum tō ndoō yājí ba ī-rāā majə sejí! Á̰á̰jí kə kumií kə́ majaá.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

JA̰A̰ 8:45

Banī i tām̄ kəda ń m-ə́da najə̄ kə́ rɔ̄kum ní n sḭḭ̄ ī-taāiń kemḿ aĺ ní.

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

PĀ GƏ̄ 147:20

Ni-rāā yá̰á̰ kə́ tītə̄ ń noō kə nápar de kə́ rang gēé aĺ ō, nápar de kə́ rang gə̄ gerə̄n̄ gō míndən gə̄ aĺ ō. Aleluya!

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

Makətūbə̄ ń Pol ndang adə̄ Rom gə̄ ní 3:7

Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní?

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

MATIYE 20:24

Dan ń gotə ngé ndóō yá̰á̰ kə́ kutə gə̄ oōn̄ anī, rāān̄ wōn̄g kə ngákó̰o̰ naā kə́ jōó gə̄ ní.