HEBƏRO 2:8 - Bibəl ta Sar̄

⁸ Ḭ̄ ə́la dɔ yá̰a̰ malang gír njan tə́. Dan ń Nə́ɓā ə́la dɔ yá̰a̰ malang gíŕ tɔ́gə yān tə́ ní, əya̰ yá̰á̰ kógə̄ḿ kanjə̄ kəla dɔn gíŕ tɔ́gə yān tə́ alé. Ba ngɔlaā ń toō ní, j-a̰a̰ī kadə̄ yá̰a̰ gə̄ i gíŕ tɔ́gə yān tə́ malang aĺ ɓáý.

Bible sar

⁸ Ḭ̄ ə́la dɔ yá̰a̰ malang gír njan tə́. Dan ń Nə́ɓā ə́la dɔ yá̰a̰ malang gíŕ tɔ́gə yān tə́ ní, əya̰ yá̰á̰ kógə̄ḿ kanjə̄ kəla dɔn gíŕ tɔ́gə yān tə́ alé. Ba ngɔlaā ń toō ní, j-a̰a̰ī kadə̄ yá̰a̰ gə̄ i gíŕ tɔ́gə yān tə́ malang aĺ ɓáý.

HEBƏRO 2:8 Referans Kwoze

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

1 KORḚNTƏ 15:27

Tɔdɔ̄ makətūbə̄ yā Nə́ɓā əda na: Nə́ɓā əla yá̰a̰ malang gír njan tə́. Ba dan ń əda na əla yá̰a̰ malang gír njan tə́ ní, nəkɔ́ Nə́ɓā i gír njan tə́ ō alé. Nge ń noō to i kə̄ dɔ ndágá adə̄ unjə̄ ngá̰ý.

PĀ GƏ̄ 8:6

Ḭ̄ ī-rāān adə̄ əndā gō de kə́ dɔ rā̰ tə́ gə̄ tə́ ngɔr. Ḭ̄ ūtə̄ gidən kə kɔsə gɔnɔɔ́ ō kə rɔyɔ̄ɔ́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

HEBƏRO 1:13

Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

HEBƏRO 2:5

Tɔdɔ̄ dɔ nang kə́ kijə kə́ ndɔ̄ń tə́ ń j-ɔr̄ najə̄n ní, Nə́ɓā əladə́ i gíŕ tɔ́gə yā de kə́ dɔ rā̰ tə́ gə̄ tə́ alé.

JA̰A̰ 3:35

Bɔbə̄ Ngōn̄ tár Ngōn̄, adə̄ əya̰ yá̰a̰ malang kem jīn tə́.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.