HEBƏRO 2:1 - Bibəl ta Sar̄

¹ I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

Bible sar

¹ I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

HEBƏRO 2:1 Referans Kwoze

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

2 PIYER 3:1

Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

2 PIYER 1:15

Adə̄ m-ā m-ə́hɔ rɔ̄ḿ tɔgə yā rāā yá̰a̰ malang ń tɔ́gə́ḿ asə ní yā rāań sesí kadə̄ ré m-óy anī, əga kemsí dɔ yá̰a̰ gə̄ ń noō tə́ ngándáńg.

Gōsə̄ najə̄ gə̄ 3:21

Ngōnə̄ḿ, ī-ngɔ̄m̄ kum kedə̄ ō, kəndā ma̰ȳ yá̰a̰ ō, ī-lōō tūr̄ gidií kɔ̄ɔ́ tadə́ tə́.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

HEBƏRO 12:5

Kɔjə̄ ń Nə́ɓā adə̄sí ní dɔsí ndígə̄nal a? Ni-ɔjə̄sí tītə̄ ngánən gə̄, əda na: Ngōnə̄ḿ, ī-lōō kidə taí gíŕ ndéy kɔjə̄ yā Kɔ́ɔ̄ɓē tə́. Ré ndángī anī, ī-lōō kadə̄ tɔ́gí ur̄ wak.

MARK 8:18

Sḭḭ̄ i kə kumsí ba á̰a̰ī loo aĺ a? Sḭḭ̄ i kə mbīsí ba ōōī loo aĺ a? Əga kemsí dɔ tə́ aĺ a?

MATIYE 16:9

Ī-gerī kum aĺ ɓáý a? Dɔsí ndígə̄nal mápá kə́ mí gə̄ ń m-ādə̄ de gə̄ dūbú mí ní a? Aké dɔsí ndígə̄nal kutə dōbə̄ gə̄ ń ɔ́yiī gotə kə́ na̰y kemeé ní a?

NDŪ NAJƏ̄ 4:23

Ī-lōōī kadə̄ dɔsí ndígə̄nal madə̄ naā ń Kɔ́ɔ̄ɓē Nə́ɓā yāsí əhɔ sesí ní ba kḭḭ rāā ɓesə̄ gə̄ ō, tɔ́sə̄ yá̰a̰ rāā ndíĺ yá̰a̰ gə̄ ń ni ɔgə̄sí rāā tə́ ní ō.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

Najə̄ kə́ Majə yā Jeju ń Luk ndang ní 9:44

Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.