HEBƏRO 13:4 - Bibəl ta Sar̄

⁴ Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

Bible sar

⁴ Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

HEBƏRO 13:4 Referans Kwoze

TA KƏLA 2:24

I tām̄ najə̄ ń toō tə́ n dəngam a əya̰ bɔbə̄n ō, kó̰o̰n ō, ba a taā dəyá̰ ní. Nin̄ jōó a rāān̄ dā̰ rɔ̄ kə́ kógə̄ḿ beē.

GALATƏ 5:19

Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō,

GALATƏ 5:21

ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem Ɓē ko̰o̰ yā Nə́ɓā tə́ alé.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

1 KORḚNTƏ 5:13

Ngé kə́ ndágá gə̄ i Nə́ɓā n i nge gān̄g sarya dɔdə́ tə́ ní. Ɔ̄rī de kə́ nge kem ndul kɔ̄ɔ́ dɔ dansí tə́.

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

1 TIMOTE 3:12

Ādə̄ nge rāā kəla nə̄ɓō yá̰a̰ i de kə́ nə̄yá̰n i kógə̄ḿ beē ō, ger̄ loo kɔr no ngánən gə̄ ō, de kə́ kem kújə yān tə́ gə̄ ō majə.

1 TIMOTE 3:4

ger̄ loo kɔr no de kə́ kem kújə yān tə́ gə̄ majə ō, ger̄ loo rāā kadə̄ ngánən gə̄ oōn̄ tan majə ō, ɓōlə́n̄ ndílən ō.

1 KORḚNTƏ 7:38

Adə̄ deē ń taā dəyá̰ nong yān ní rāā i yá̰á̰ kə́ majə ō, deē ń taā dəyá̰ nong yān aĺ ní, rāā i yá̰á̰ kə́ majə tɔȳ ō.

TA KƏLA 2:21

Anī Kɔ́ɔ̄ɓē Nə́ɓā ənī ɓīī kə́ ngan̄g ngá̰ý dɔ deē tə́ adə̄ to a ɓīī. Anī ni-ɔr̄ kə̄ngā nganjən kógə̄ḿ ba tél utə̄ ta dā̰n gotoó.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

TITƏ 1:6

Majə kadə̄ najə̄ gətóo dɔ kum kɔɔ̄ tə́ ō, kadə̄ nə̄yá̰n i kógə̄ḿ beē ō, ngánən gə̄ taān̄ kem najə̄ yā Nə́ɓā ō, deē əndā najə̄ háĺ kə́ gō tə́ aĺ, aláa dum̄ naā dɔdə́ tə́ aĺ ō.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

1 TIMOTE 4:3

Nin̄-ɔgə̄n̄ de gə̄ taā naā ō, ɔgə̄n̄ ngé taā kem gə̄ ń gerə̄n̄ najə̄ kə́ rɔ̄kum ní, kəsa yá̰á̰ kə́rēý gə̄ ń Nə́ɓā rāā kadə̄ əsan̄ kə ndadāá ní ō.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

1 KORḚNTƏ 9:5

Ni-adə̄jí ta róbə kun dəyá̰ kə́ taā kem Kərist kadə̄ aw̄ sejí tītə̄ ń ngámbang kəla kə́rēý gə̄ ō, ngákó̰ó̰ Kɔ́ɔ̄ɓē gə̄ ō, Kepas ō rāān̄neé ní aĺ a?

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

IJAI 8:3

Gō tə́ anī m-āw̄ m̄-ɓīī kə nge koō ta kə́ dəyá̰ ń i nə̄yá̰ḿ ní. Ni ndān̄ ngōn̄, ba ojə ngōn̄ kə́ dəngam. Anī Kɔ́ɔ̄ɓē ədam̄ na: Ə̄ndā rīn na i kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

2 MBAN̄G 22:14

Hilkia ngol ngé tun̄ yá̰a̰ gə̄ ō, Ahikam ō, Akbor ō, Sapan ō, Asaya ō, aw̄ əngen̄ Hulda nge koō ta kə́ dəyá̰. I nə̄yá̰ Salum kə́ nge ngɔ̄m̄ kūbə̄ tun̄ yá̰a̰ gə̄ kə́ kem kújə yā Kɔ́ɔ̄ɓē tə́. Salum i ngōn̄ Tikəba kə́ ngōn̄ Haras. Hulda ndi i Jerusalem kem ɓē kə́ kijə tə́. Dan ń de gə̄ ní ɔjən̄ nge koō ta kə́ dəyá̰ yá̰a̰ gə̄ ń rāān̄ yá̰á̰ ní oy anī,

HEBƏRO 12:16

Á̰a̰ī jajá̰ kadə̄ de gə̄ ń a sāān̄ naā loo kaya tə́, aláa ngé mbātə́ rāā yá̰a̰ kə gō yā Nə́ɓāá, tītə̄ yā Esau ń un ta róbə kənge yá̰a̰ yān kə́ loo ngōn̄ hágə́ tə́ taāń kār yá̰a̰ kəsa kə́ kógə̄ḿ beē ní alé.

LEBI GƏ̄ 18:20

Ā ī-sāā nə̄yá̰ ngōn̄ Israel madí alé, na sōgə́ ī-tél de kə́ yḛr.

NDŪ NAJƏ̄ 22:22

Ré əhɔn̄ de kə́ dəngam loo ɓīī tə́ kə nə̄yá̰ deé anī, a tɔ̄lə̄n̄də́ jōó mbak. A tɔ̄lə̄n̄ dəngam ō, dəyá̰ ō. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

1 KORḚNTƏ 6:18

Yá̰á̰ ń i sāā naā loo kaya tə́ ní ā̰ȳniī kɔ̄ɔ́! Majaĺ kə́ rang gə̄ malang ń deē rāā ní, i gidə rɔ̄ deē tə́ ndágá. Banī deē ń sāā naā loo kaya tə́ ní, rāā majaĺ i kə dā̰ rɔ̄n nəkɔ́.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

LEBI GƏ̄ 15:18

Ré dəyá̰ nin̄ kə dəngameé ɓīīn̄ kə naá anī, nin̄ jōó mbak a ndogə̄n̄ man̄ ō, a télən̄ de gə̄ kə́ yḛr bátə́ kadə̄ loo tíbə dɔdə́ tə́ ō.

Makətūbə̄ yā Job 31:12

Nge ń noō i hor kógə̄ḿ kə́ a o̰o̰m̄ bátə́ kem bəlo kə́ bo tə́ ō, i hor kógə̄ḿ kə́ a nujə yá̰a̰ malang ń m-ə́ngé ní kɔ̄ɔ́ ō.