HEBƏRO 13:3 - Bibəl ta Sar̄

³ Ādī əga kemsí dɔ ngé gə̄ ń i kújə dəngáyá ní, tītə̄ kə́ sḭḭ̄ i dəngáyá sedə́ beé ō. Ādī əga kemsí dɔ ngé gə̄ ń rāān̄də́ yá̰á̰ kə́ tōr̄ gə̄ tə́ ní ō, tām̄ sḭḭ̄ kɔ́ gə̄, i kə dā̰ rɔ̄sí ō.

Bible sar

³ Ādī əga kemsí dɔ ngé gə̄ ń i kújə dəngáyá ní, tītə̄ kə́ sḭḭ̄ i dəngáyá sedə́ beé ō. Ādī əga kemsí dɔ ngé gə̄ ń rāān̄də́ yá̰á̰ kə́ tōr̄ gə̄ tə́ ní ō, tām̄ sḭḭ̄ kɔ́ gə̄, i kə dā̰ rɔ̄sí ō.

HEBƏRO 13:3 Referans Kwoze

MATIYE 25:36

Rɔ̄ḿ i karī a ādə̄mī kūbə̄ ō, mo̰y rāām̄ a á̰a̰ī gōḿ ō, mā i dəngáyá a ī-reē ī-go̰ō̰mī ō.

HEBƏRO 10:34

Tɔdɔ̄ sḭḭ̄ á̰a̰ī tápə̄ naā tə́ kə ngé gə̄ n əhɔn̄də́ dəngáyá ní. Ba dan ń táān̄ yá̰a̰ kənge yāsí gə̄ jīsí tə́ kɔ̄ɔ́ ní, rɔ̄sí nel̄sí, tām̄ ī-gerī kadə̄ yá̰á̰ ń sḭḭ̄ ə́ngeī ní, i yá̰á̰ kə́ majə tɔȳ kə́ a to ngándáńg.

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

KOLOSƏ 4:18

Lápə́ya ń toō, i mā Pol n m̄-ndang kə jīḿ ní. Ādə̄ əga kemsí dɔ súĺ ń do̰ō̰mə̄n̄neé ní tə́. Ādə̄ Nə́ɓā rāā kem majə sesí.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

MATIYE 25:43

Mā i mbā a ə́hɔmī kə̄ rɔ̄sí tə́ aĺ ō, rɔ̄ḿ i karī a ādə̄mī kūbə̄ aĺ ō, mā i mo̰y ō mā i kújə dəngáyá ō a ī-reē ī-go̰ō̰mī aĺ ō.

KƏLA RĀĀ 24:23

Ni-adə̄ ndūn ngol áskar gə̄ na kə ngɔ̄m̄ Pol dəngáyá, ba kə lōō kəndā dɔn tə́ ō, kə lōō kɔgə̄ deē yān gə̄ rāā seneé ō.

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

KƏLA RĀĀ 27:3

Teē kə ndɔ̄ kə́ noō anī j-ugə̄ Sidon. Julius ń i nge rāā kem majə kə Poló ní, əya̰n kadə̄ aw̄ rɔ̄ madə̄n gə̄ tə́ kadə̄ rāān̄ seneé.

TA KƏLA 40:23

Ngol ngé kadə̄ mban̄g yá̰a̰ ka̰ȳ gə̄ gír̄ dɔ Jəjep tə́ to̰ alé, dɔn ndígə̄nalən kɔ̄ɔ́.

HEBƏRO 11:37

Tə́nīn̄də́ kə mbalá tənī tɔ̄lə̄n̄də́ ō, tə́jān̄də́ gángə̄n̄də́ naā tə́ kə gində̄ kəja yá̰a̰ ō, tɔ̄lə̄n̄də́ kə kaskaraá ō. A dáȳn̄ kə̄ yóō kə̄ laā ō, o̰ō̰n̄ i ngə̄rā batə̄ gə̄ ō, ngə̄rā bə̄yā̰ gə̄ ō rɔ̄də́ tə́. Ndoō rāādə́ ō, wur kɔl əngedə́ ō, de gə̄ rāān̄də́ yá̰á̰ kə́ tōr̄ gə̄ ō.