HEBƏRO 13:2 - Bibəl ta Sar̄

² Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

Bible sar

² Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ *de kə́ dɔ rā̰ tə́ gə̄ mbā kanjə̄ kadə̄ ger̄ gō.

HEBƏRO 13:2 Referans Kwoze

MATIYE 25:35

Tɔdɔ̄ ɓō rāām̄ anī ādə̄mī yá̰a̰ kəsa ō, kəndā rāām̄ anī ādə̄mī man̄ ka̰ȳ ō. Mā i mbā a ə́hɔmī kə̄ rɔ̄sí tə́ ō.

TA KƏLA 18:1

Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

Makətūbə̄ ń Pol ndang adə̄ Rom gə̄ ní 12:13

Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

1 PIYER 4:9

Əhɔī naā kə̄ rɔ̄sí tə́ kanjə̄ ɓar̄ najə̄ gō tə́.

MATIYE 25:43

Mā i mbā a ə́hɔmī kə̄ rɔ̄sí tə́ aĺ ō, rɔ̄ḿ i karī a ādə̄mī kūbə̄ aĺ ō, mā i mo̰y ō mā i kújə dəngáyá ō a ī-reē ī-go̰ō̰mī aĺ ō.

TITƏ 1:8

Majə kadə̄ ni i de kə́ nge kəhɔ de gə̄ mbā ō, de kə́ yá̰á̰ kə́ majə nelə̄n ō. Ni a a̰a̰ i yá̰á̰ kə́ majə tá a rāā ō, i de kə́ nge rāā yá̰á̰ kə́ gōtə́ ō, yá̰á̰ kə́ nel̄ Nə́ɓā ō, de kə́ a əhɔ rɔ̄n dɔ yá̰á̰ tə́ ō.

Makətūbə̄ yā Job 31:32

M-ə́ya̰ mbā adə̄ ɓīī ndágá alé, tɔdɔ̄ m̄-tḛḛ̄ ta róbə yāḿ gə̄ m-ādə̄n.

LEBI GƏ̄ 19:34

Tə̄rā ń ndi dɔ dáńsí tə́ ní, ā ī-rāāiń i ngōn̄ nge ɓē tə́. Ā ī-táriī i tītə̄ ń ā ī-táriń rɔ̄sí sḭḭ̄ kɔ́ gə̄ ní. Tɔdɔ̄ kété ní, sḭḭ̄ i tə̄rā gə̄ dɔ nang kə́ Ejiptə tə́. Mā i Kɔ́ɔ̄ɓē Nə́ɓā yāsí.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

Makətūbə̄ ń Pol ndang adə̄ Rom gə̄ ní 16:23

Gayus kə́ bəra mbāḿ ō, kə́ bəra mbā ngé kán̄ naā gə̄ malang ō, rāāsí lápə́ya. Erastə nge ngɔ̄m̄ gúrsə yā ɓē ō, ngōkó̰ó̰jí Kartus ō, rāān̄sí lápə́ya.

IJAI 58:7

I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.

KƏLA RĀĀ 16:15

Dan ń rāānən̄ batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

Makətūbə̄ yā Job 31:19

M-á̰a̰ nge rɔ̄ tō ndoō kə́ nal̄ kūbə̄, de kə́ ndoō kə́ ənge yá̰á̰ kə́ yā kənī dɔn tə́ alé,

2 MBAN̄G 4:8

Ndɔ̄ kógə̄ḿ tə́ Elije mān̄ Sunem. Anī dəyá̰ kóməlō kógə̄ḿ kə́ ndi kem ɓē ní tə́ ɔsə seneé gar gar ta kaw̄ kəsa yá̰a̰ ɓē looneé. Əla gír ndɔ̄ ń noō tə́ ní, ré Elije mān̄ Sunem anī, a aw̄ i ɓē yā dəyá̰ ní tə́ kəsa yá̰á̰.

TA KƏLA 19:1

De kə́ dɔ rā̰ tə́ kə́ jōó gə̄ ní ugə̄n̄ Sodom ta jī loo tíbə́ tə́. Lot ndi ta róbə́ kə́ yā kudəń kə̄ kem ɓē kə́ Sodom tə́. Dan ń ni a̰a̰də́ anī, ḭḭ aw̄ tə́nī tadə́. Aw̄ ɔsə non nang tə́ nodə́ tə́,

3 JA̰A̰ 1:5

Kó tár yāḿ, ḭ̄ ɔ́jə kə̄ ndágá kadə̄ ḭ̄ i de kə́ nge ra dɔ ndūí tə́ tū yá̰a̰ rāāí gə̄ tə́ kə ngákó̰ó̰jí gēé, kə ngákó̰ó̰jí gə̄ ń nin̄ i tə̄rā gə̄ ní.