HEBƏRO 12:3 - Bibəl ta Sar̄

³ Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

Bible sar

³ Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

HEBƏRO 12:3 Referans Kwoze

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

2 KORḚNTƏ 4:16

I tām̄ najə̄ ń noō tə́ n j-əhɔń rɔ̄jí tɔgə ní. Ré rɔ̄jí kə́ ndágá a nujə i mbée gə̄gē anī, ndíĺjí kə́ kemeé a tél i kə́ kijə kə dɔ ndɔ̄ gə̄.

JEJU TEĒ KUM JA̰A̰ 2:3

Ḭ̄ i de kə́ ə́hɔ rɔ̄í tɔgə ngá̰ý. Yá̰á̰ kə́ tōr̄ rāāī najə̄ yāḿ tə́ banī tɔ́gí ur̄ wak kɔ̄ɔ́ alé.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

JA̰A̰ 5:16

I tām̄ najə̄ ń noō tə́ n Jipə gə̄ rāān̄ Jeju kə najá ngá̰ý ní, tām̄ ni-rāā yá̰á̰ ní i ndɔ̄ sabat tə́.

1 SAMUEL 12:24

Ba yá̰á̰ ń kadə̄ sḭḭ̄ ī-rāāī ní i ɓōĺ Kɔ́ɔ̄ɓē ō, i rāā kəla yān kə gō róbə́ kə́ súmūú ō, kə ngarang kemsí gēé malang ō. Tɔdɔ̄ á̰a̰ī yá̰á̰ kə́ to ɓōĺ ngá̰ý gə̄ ń ni-rāā tām̄ yāsí tə́ ní.

HEBƏRO 12:5

Kɔjə̄ ń Nə́ɓā adə̄sí ní dɔsí ndígə̄nal a? Ni-ɔjə̄sí tītə̄ ngánən gə̄, əda na: Ngōnə̄ḿ, ī-lōō kidə taí gíŕ ndéy kɔjə̄ yā Kɔ́ɔ̄ɓē tə́. Ré ndángī anī, ī-lōō kadə̄ tɔ́gí ur̄ wak.

Najə̄ kə́ Majə yā Jeju ń Luk ndang ní 14:1

Jeju aw̄ ɓē ngār yā Parijiyḛ gə̄ kógə̄ḿ tə́ ndɔ̄ sabat tə́ yā kəsa yá̰a̰, anī de gə̄ ń ndin̄ ní əndān̄ kumdə́ dɔn tə́.

NDŪ NAJƏ̄ 20:3

a əda na: Israel gə̄ ōōī. Ɓōólaā ā ī-rɔ̄ɔ̄ī madə̄ ba̰ā̰sí gə̄. Ī-lōōī kadə̄ kemsí gān̄g man̄ ō, ī-lōōī ɓōĺ ō, ī-lōōī kadə̄ kə̄ngā sāā əgasí ō, ī-lōōī ndebə ta kumdə́ tə́ ō.

2 TESALONIK 3:13

Ba sḭḭ̄ ngákó̰ó̰jí gə̄, ī-lōōī kadə̄ tɔ́gə́sí ur̄ wak loo rāā yá̰á̰ kə́ majə tə́.

JA̰A̰ 18:22

Pajā kógə̄ḿ ń ra noó ní ənda mbɔ́r Jeju dɔ najə̄ ní tə́ ba ədan na: Ā ī-tél ā ə́da ngol ngé tun̄ yá̰a̰ gə̄ najə̄ i tītə̄ ń noō a?

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

Gōsə̄ najə̄ gə̄ 24:10

Ré tɔ́gí ur̄ wak ndɔ̄ wur kɔl tə́ anī, kumən na tɔ́gí i ngá̰ý alé.

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.

JA̰A̰ 8:13

Anī Parijiyḛ gə̄ ədanən̄ na: Ḭ̄ ɔ̄r̄ i najə̄ kə́ kum tə́ kə́ dɔ rɔ̄í īkɔ́ tə́, adə̄ najə̄ kə́ kum tə́ yāí i rɔ̄kum alé.

JA̰A̰ 7:12

Kósə de gə̄ kɔdə́n̄ naā najə̄ dɔ dáńdə́ tə́ dɔn tə́. Ngé kə́rēý gə̄ ədan na ni i de kə́ majə, ba ngé kə́rēý gə̄ ədan na i tītə̄ ń noō alé, ni a gól̄ i kósə de gə̄.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

Najə̄ kə́ Majə yā Jeju ń Luk ndang ní 5:21

Ngé ndóō de gə̄ ndū najə̄ gə̄ ō, Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

MATIYE 22:15

Tā anī Parijiyḛ gə̄ aw̄ oōn̄ naā dɔ loo kəhɔ Jeju tə́ kə najə̄ kə́ tan tə́.

MATIYE 21:46

Nin̄-sāān̄ kəhɔn ba ɓōlə́n̄ kósə de gə̄, tām̄ kósə de gə̄ rāān̄ Jeju i nge koō ta tə́.

MATIYE 21:23

Jeju udə kújə yā Kɔ́ɔ̄ɓē tə́ a ndóō de gə̄ yá̰a̰. Anī ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ yā ngán Israel gə̄ ō, reēn̄ rɔ̄n tə́ ba dəjenən̄ na ké tɔ́gə́ ń a rāań yá̰a̰ gə̄ ní ké teēń i rá wa, ké i náā n-adə̄n tɔ́gə́ ní wa.

MATIYE 15:2

ba dəjenən̄ na: I tām̄ rí tə́ á ngé ndóō yá̰a̰ yāí gə̄ a rāān̄ yá̰a̰ a mānə̄n̄neé dɔ yá̰a̰ kāgə̄ ɓē yā kaají gə̄ ní? Tɔdɔ̄ ngé ndóō yá̰a̰ yāí gə̄ tə́gon̄ jīdə́ tá əsan̄neé yá̰a̰ alé.

MATIYE 12:24

Banī Parijiyḛ gə̄ ń oōn̄ ní, ədan̄ na Jeju na a tə̄ɓā ndíĺ kə́ majaĺ gə̄ na i kə ta kūl̄ tɔ́gə́ ń Beljebul, ngār yā ndíĺ kə́ majaĺ gə̄ na adə̄n ní ngóy.

MATIYE 11:19

Ba dan ń Ngōn̄ Deē reē ní, əsa yá̰a̰ ō, a̰ȳ yá̰a̰ ō anī de gə̄ ədan̄ na ni na i nge kəsa wa ō, nge kasə rāā ō, ni na i madə̄ ngé taā lambóo gə̄ ō, ngé rāā majaĺ gə̄ ō, banī yá̰a̰ rāān gə̄ ɔjə kadə̄ najə̄ i yā kum kedə̄ yā Nə́ɓā.

JA̰A̰ 9:40

Parijiyḛ gə̄ ń ndin̄ seneé ní oōn̄ najə̄ ń toō anī, dəjen̄ na ké nin̄ i ngé ka̰a̰ loo aĺ gə̄ ō wa.

JA̰A̰ 10:20

De gə̄ ngá̰ý dɔ dáńdə́ tə́ ədan̄ na: Ndíĺ kə́ majaĺ i kemən tə́ ō, kɔ̄r̄ rāān ō, ba ōōī najə̄ yān i tām̄ rí tə́?

1 PIYER 2:23

Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.