HEBƏRO 12:1 - Bibəl ta Sar̄

¹ Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

Bible sar

¹ Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

HEBƏRO 12:1 Referans Kwoze

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

GALATƏ 5:7

Ī-ngɔ̄dī kété majə, ba i náā n tél ɔgə̄sí kun gō najə̄ kə́ rɔ̄kum ní?

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

2 TIMOTE 2:4

Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́.

JAKƏ 1:3

tɔdɔ̄ ī-gerī kadə̄ yá̰a̰ gə̄ ń a nāān̄ taā kem yāsí noó i nin̄ n a rāān̄ tá kadə̄ taā kem yāsí a ojə tə́gā ta ní.

MATIYE 24:13

Banī deē n a əhɔ sásáp mbóńg ta tɔ̄l̄ ta tə́ ní, a ajə.

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

2 PIYER 1:6

ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

JEJU TEĒ KUM JA̰A̰ 22:16

Mā Jeju, m-ə́la deē yāḿ kə́ dɔ rā̰ tə́ kadə̄ reē teē kumsí dɔ yá̰a̰ gə̄ ń noō tə́ malang kə̄ kem Egəlijə gə̄ tə́. Mā i de kə́ gír kojə yā Dabid tə́ ō, dɔgə́ loo tīī kə́ ndə́lē ō.

1 PIYER 5:12

m̄-ndang makətūbə̄ kə́ sḛ́ý beē ń toō m-ādə̄sí i kə ta kūl̄ Silas ń m̄-rāān i ngōkó̰ó̰jí kə́ nge ra dɔ ndūn tə́ ní. m̄-sāā i kəla go̰ kemsí tə́ ō, m̄-sāā i kədasí na kem majə yā Nə́ɓā ń sḭḭ̄ ə́hɔī gō ní, i rajə kə́ rɔ̄kum, ba kə ī-raī dɔ tə́ kadə̄ ngan̄g ō.

IJAI 60:8

De gə̄ malang ń toō ń njə̄rān̄ tītə̄ kil̄ man̄ ō, ton̄ tītə̄ dér dum gə̄ kə́ télən̄ kə̄ gogə́ kem ɓēdə́ gə̄ tə́ ō toó, i náā gə̄?

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

JA̰A̰ 3:32

Nge ń ḭḭ dɔ rā̰ tə́ reē ní, əda i yá̰á̰ ń ni-a̰ā̰ ō, oō ō ní, ba deē kógə̄ḿ kə́ ndigə koō najə̄ kə́ kum tə́ yān gətóo.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

EJEKIEL 38:9

Ḭ̄ ō, ngé rɔ̄ɔ̄ yāí gə̄ ō, ngé ɓoo rɔ̄də́ tū yāí tə́ gə̄ ń nin̄ i ngá̰ý ní ō, ā ə̄nīdə́ rɔ̄ɔ̄. Ā āwī kə̄ dɔdə́ tə́ i tītə̄ nél man̄ kə́ əla kə ngangá ngá̰ý beē ō, ā ī-taāī loo kem ɓē yādə́ tə́ malang tītə̄ kil̄ man̄ kə́ to tītə̄ mbal̄ bo beé.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

Najə̄ kə́ Majə yā Jeju ń Luk ndang ní 16:28

tɔdɔ̄ m-āw̄ kə ngákó̰ó̰ḿ gə̄ noó i mí ní, ādə̄ tāādə́ ɓang ɓang kadə̄ reēn̄ kem loo rɔ̄ tōr̄ ń toō tə́ ɓáý to̰ alé.

PĀ GƏ̄ 18:23

m̄-ngɔ̄m̄ ndū najə̄ yān gə̄ malang ta kumḿ tə́ ngándáńg ō, gō míndən gə̄ ní m̄-ḭ́ḭ bal dɔ tə́ aĺ ō.

JA̰A̰ 4:39

Samari gə̄ ngá̰ý kə́ kem ɓē ngeé ń noō tə́ taān̄ kem Jeju sɔɔ̄ń najə̄ ń dəyá̰ əda ní tə́, əda na ɔrə̄n gíŕ yá̰a̰ rāān gə̄ malang.

JA̰A̰ 4:44

Tɔdɔ̄ Jeju nəkɔ́ əda wáńg na de gə̄ a ndigən̄ nge koō ta kem ɓē kojən tə́ alé.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

EPEJƏ 4:25

Tām̄ ń toō tə́ ní, ə́ya̰ī sor̄ kɔ̄ɔ́, ādə̄ deē kógə̄ḿ kógə̄ḿ ɔr̄ najə̄ kə́ rɔ̄kum kə madə̄neé, tɔdɔ̄ jḭḭ̄ malang ní, jḭḭ̄ i ngán rɔ̄ naā gə̄.

PILIPƏ 1:30

Ngɔlaā ní sḭḭ̄ údiī dan rɔ̄ɔ̄ ń m̄-rɔ̄ɔ̄ kété á á̰a̰mī loon tə́ ní ō, sḭḭ̄ ī-gerī kadə̄ m-ā m̄-rɔ̄ɔ̄ rɔ̄ɔ̄ ní jīḿ tə́ laā ɓáý ō.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

Makətūbə̄ yā Job 8:10

Banī nin̄ a ɔjiīn̄ yá̰a̰ ō, a ɔrə̄n̄ najə̄ seí ō. Nin̄ a əngen̄ najə̄ kemdə́ tə́ yā kəda:

MARK 10:50

De kə́ kum tɔ̄ɔ̄ ní ənī kūbə̄ yān kɔ̄ɔ́, ba ḭḭ wa̰t reē rɔ̄ Jeju tə́!