HEBƏRO 11:5 - Bibəl ta Sar̄

⁵ I kə ta kūl̄ taā kem n kadə̄ ɔrə̄n̄ Henok adə̄ ni-a̰a̰ yo aĺ ní, de gə̄ əngenən̄ to̰ alé, tɔdɔ̄ Nə́ɓā ɔrə̄n kɔ̄ɔ́. Tām̄ kété tá kadə̄ ɔr̄nən̄ ní, makətūbə̄ yā Nə́ɓā əda na, ni na i de kə́ nel̄ Nə́ɓā seneé.

Bible sar

⁵ I kə ta kūl̄ taā kem n kadə̄ ɔrə̄n̄ Henok adə̄ ni-a̰a̰ yo aĺ ní, de gə̄ əngenən̄ to̰ alé, tɔdɔ̄ Nə́ɓā ɔrə̄n kɔ̄ɔ́. Tām̄ kété tá kadə̄ ɔr̄nən̄ ní, makətūbə̄ yā Nə́ɓā əda na, ni na i de kə́ nel̄ Nə́ɓā seneé.

HEBƏRO 11:5 Referans Kwoze

Makətūbə̄ ń Jud ndang ní 1:14

Henok ń i de kə́ gír kojə yā Adam tə́ kə́ nge ko̰ sīrí ní, i ni n əda najə̄ kə́ Nə́ɓā əndā tan tə́ tām̄ yā de gə̄ ngeé ń toō tə́ ní. Ni-əda kété jóo na: Ōōī a, Kɔ́ɔ̄ɓē a reē kə deē yān kə́ táĺ gə̄ kə́ dɔ rā̰ tə́ kə́ dūbūúdə́ i nja kutə,

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

PĀ GƏ̄ 89:48

Deē ndul a ndi kə kumneé ɓāl̄ ngá̰ý aĺ ní ī-gír̄ dɔḿ tə́. Ī-gír̄ dɔ ndɔ̄ ndiḿ kə kumḿ kə́ i ngá̰ý aĺ tə́, ḭ̄ ə̄ndā deē i yā kadə̄ ta tɔ̄l̄ tan to rim a?

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

1 TESALONIK 2:4

banī Nə́ɓā nāājí pá tá adə̄jí kəla kɔjə Najə̄ kə́ Majə ní. Adə̄ j-ɔjə najə̄ i kadə̄ nel̄ de gə̄ alé, ba i kadə̄ nel̄ Nə́ɓā ń nāā ngarān̄g kemjí ní.

Najə̄ kə́ Majə yā Jeju ń Luk ndang ní 3:37

kə́ ngōn̄ Matusala, kə́ ngōn̄ Henok, kə́ ngōn̄ Jered, kə́ ngōn̄ Maleleel, kə́ ngōn̄ Kenan,

JEREMI 36:26

Mban̄g əda Yerameel kə́ ngōn̄ ngār ō, Seraya, ngōn̄ Ajriel ō, Selemia, ngōn̄ Abədel ō, kadə̄ kə əhɔn̄ Baruk nge ndang makətūbə̄ ō, Jeremi nge koō ta ō, banī Kɔ́ɔ̄ɓē ɓɔ̄ɔ̄ dɔdə́ kɔ̄ɔ́.

2 MBAN̄G 2:1

Dan ń Kɔ́ɔ̄ɓē un Eli kum nél māĺ tə́ aw̄ seneé dɔ rā̰ tə́ ní, yá̰á̰ ń rāā yá̰á̰ ní n toó. Eli nin̄ kə Elije ḭḭn̄ i Gilgal.

Najə̄ kə́ Majə yā Jeju ń Luk ndang ní 2:26

Ndíĺ kə́ Táĺ ədan na a a̰a̰ Kərist yā Kɔ́ɔ̄ɓē pá tá na a oy ɓáý.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.