Biblia Todo Logo
Bib sou entènèt

- Piblisite -




HEBƏRO 11:4 - Bibəl ta Sar̄

4 I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

Gade chapit la Kopi

Bible sar

4 I kə ta kūl̄ taā kem n Abel ndējə̄ Nə́ɓā *yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

Gade chapit la Kopi




HEBƏRO 11:4
21 Referans Kwoze  

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.


Kɔ́ɔ̄ɓē tél ədan na: Ī-rāā i rí? Ndū mósə ngōkó̰ó̰í ɓār̄ dɔ nang tə́ bátə́ teē rɔ̄ḿ tə́.


Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.


Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.


Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.


Kə gō ndū najá ní, na̰y i sḛ́ý beē kadə̄ i mósə n rāā kadə̄ yá̰a̰ gə̄ malang unjə̄n̄ njáý njáý ní, ba ré mósə a̰ȳ nang tə́ aĺ anī, mā̰ȳ rɔ̄ a gətóo.


Banī Kɔ́ɔ̄ɓē tél ədan na: I beé alé. Ré deē tɔ̄lī anī, a tɔ̄lə̄n̄ de gə̄ sīrí kum gotií yā daləń ba̰ā̰í. Kɔ́ɔ̄ɓē əndā tə́ré yá̰á̰ kógə̄ḿ no Kain tə́ yā kadə̄ náā nəkɔ́ ń ənge Kain anī, kə tɔ̄lə̄n alé.


Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.


Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.


a əlan̄ gír i dɔ mósə Abel tə́ bátə́ kadə̄ ugə̄n̄neé dɔ mósə Jakari ń oy dɔ dán loo tun̄ yá̰á̰ tə́ kə loo kə́ táĺ tə́ ní. A̰á̰ā̰, m-ə́dásí najə̄ kə́ rɔ̄kum, a dəjen̄ de kə́ ngɔlaā gə̄ mósə de gə̄ ń noō malang.


Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.


Anī hor yā Kɔ́ɔ̄ɓē əsō dɔ yá̰a̰ tun̄ kə́ yā róō tə́ o̰o̰ ō, o̰o̰ń kīr̄ gə̄ ō, mbal̄ gə̄ ō, bumbə́ru ō, rāā adə̄ man̄ kə́ kem bəloó iī kɔ̄ɔ́ ō.


Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.


Adam ɓīī kə nə̄yá̰neé ɓáý, adə̄ nə̄yá̰n ojə ngōn̄ kə́ dəngam, ba əndā rīn na i Set tɔdɔ̄ ni-əda na: Nə́ɓā ndigə kadə̄m̄ ngōn̄ kə́ rang gotə Abel ń Kain tɔ̄lə̄n tə́ ní.


Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.


Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.


Nə́ɓā ndigə de kə́ kété jóo gə̄ najə̄ taā kem yādə́ tə́.


Tɔdɔ̄ de kə́ nge rāā yá̰á̰ kə́ gō tə́ ń toō ń ndi dandə́ tə́ ní, a̰a̰ i yá̰á̰ kə́ beé gə̄ ō, oō i yá̰á̰ kə́ beē gə̄ ō, kə dɔ ndɔ̄ gə̄. Adə̄ yá̰a̰ rāādə́ kə́ majaĺ gə̄ ní, ɔrə̄n̄ wurən ni ń i de kə́ gōtə́ ní.


Banī nin̄ a ɔjiīn̄ yá̰a̰ ō, a ɔrə̄n̄ najə̄ seí ō. Nin̄ a əngen̄ najə̄ kemdə́ tə́ yā kəda:


Swiv nou:

Piblisite


Piblisite