HEBƏRO 11:1 - Bibəl ta Sar̄

¹ Taā kem i yá̰a̰ kə́ deē ger̄ mámák kadə̄ yá̰a̰ gə̄ ń ə̄ndā kemən dɔ tə́ ní, deē a ənge. Yá̰a̰ gə̄ ń deē a̰a̰də́ kə kumneé aĺ ní, taā kem ɔjə kə̄ ndágá kadə̄ yá̰á̰ gə̄ ní ton̄ rɔ̄kum.

Bible sar

¹ Taā kem i yá̰a̰ kə́ deē ger̄ mámák kadə̄ yá̰a̰ gə̄ ń ə̄ndā kemən dɔ tə́ ní, deē a ənge. Yá̰a̰ gə̄ ń deē a̰a̰də́ kə kumneé aĺ ní, taā kem ɔjə kə̄ ndágá kadə̄ yá̰á̰ gə̄ ní ton̄ rɔ̄kum.

HEBƏRO 11:1 Referans Kwoze

2 KORḚNTƏ 5:7

Tɔdɔ̄ jḭḭ jə-njə̄rā i kə gō taā kem yājí, ba i kə gō yá̰á̰ ń j-a̰ā̰ kə kumjí ní alé.

2 KORḚNTƏ 4:18

Tɔdɔ̄ j-əndā kumjí i dɔ yá̰á̰ kə́ deē a̰a̰ kə kumneé tə́ alé, banī i dɔ yá̰á̰ kə́ deē a a̰a̰ kə kumneé aĺ tə́. Yá̰á̰ ń deē a̰a̰ kə kumneé ní i yá̰á̰ kə́ a to dan i ngá̰ý alé, banī yá̰á̰ ń deē a̰a̰ kə kumneé aĺ ní, i yá̰á̰ kə́ a to ngándáńg.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

PĀ GƏ̄ 27:13

m̄-ger̄ majə kadə̄ m-ā m-á̰a̰ kem majə yā Kɔ́ɔ̄ɓē dɔ nang tə́ laā.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

HEBƏRO 6:12

Jə-ndigə kadə̄ ī-téliī de kə́ yay gə̄ alé, banī kadə̄ ī-ndájī ngé gə̄ ń taān̄ kem ō, tə́gān̄ tadə́ ō ní. Ngé gə̄ ń noō əngen̄ yá̰á̰ ń Nə́ɓā ənī míndən yā kadə̄ ní.

HEBƏRO 10:39

Jḭḭ̄ i de gə̄ kə́ yā kɔr̄ rɔ̄jí kə̄ gogə́ yā kudə kɔ̄ɔ́ alé. Jḭḭ̄ i de kə́ ngé taā kem gə̄ ō, jə-ra i dɔ róbə kajə tə́ ō.

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

1 KORḚNTƏ 13:13

Ngɔlaā ní yá̰a̰ gə̄ ń ton̄ gotoó ní gíŕdə́ i mətá: I taā kem ō, kəndā kem dɔ Nə́ɓā tə́ ō, tár ō. Ba dandə́ nin̄ kə́ mətá gə̄ tə́ ní, nge kə́ bo tɔȳdə́ malang i tár.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

2 KORḚNTƏ 11:17

Najə̄ ń m-ā m̄-rāā yā kɔr̄ toó ní, i nge ń Kɔ́ɔ̄ɓē ndigə kadə̄ m-ɔ̄r̄ ní alé rɔ̄kum. Banī m-ā m-ɔ̄r̄ i kə́ loo nge kɔ̄r̄ tə́, tɔdɔ̄ m̄-sāā kɔr ta rɔ̄ḿ.

2 KORḚNTƏ 9:4

Ré i beé aĺ anī dan ń de kə́ Masedəwan tə́ gə̄ a reēn̄ seḿ ba a̰a̰n̄ kadə̄ ə̄ndāī dɔ rɔ̄sí danaá aĺ ɓáý ní anī, taā ń jə-taā kemsí mámák ní a tél i rɔ̄sɔl̄ yājí, m-ə́da tītə̄ ń noō i yā kədań najə̄ rɔ̄sɔl̄ yāsí sḭḭ̄ ō alé.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.