HEBƏRO 10:5 - Bibəl ta Sar̄

⁵ Adə̄ dan ń Kərist a rāā yā reē dɔ nang tə́ ní, ni-əda Nə́ɓā na: Ḭ̄ ī-gḛy yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, banī ḭ̄ ī-rāā dā̰ rɔ̄ḿ ādə̄m̄.

Bible sar

⁵ Adə̄ dan ń *Kərist a rāā yā reē dɔ nang tə́ ní, ni-əda Nə́ɓā na: Ḭ̄ ī-gḛy *yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, banī ḭ̄ ī-rāā dā̰ rɔ̄ḿ ādə̄m̄.

HEBƏRO 10:5 Referans Kwoze

IJAI 1:11

Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 1:6

Banī loo ń əla Ngōn̄ hágə̄n dɔ nang tə́ ní, ni-əda na: Ādə̄ de kə́ dɔ rā̰ tə́ gə̄ malang yā Nə́ɓā ɔsən̄ nodə́ nang tə́ non tə́.

HEBƏRO 10:7

Loo ń noō tə́ ní m-ə́da na: Nə́ɓā mā n toó, m̄-reē yā rāā yá̰á̰ ń kemií ndigə ndigə tə́ ní, kə gō ń ndangən̄ ɔjənə̄ń dɔḿ kem ndāŕ ndang najə̄ kə́ ɓír̄ gidə naā tə́ ní.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

HEBƏRO 10:10

Kərist rāā yá̰á̰ ń Nə́ɓā ndigə ní. Ni-adə̄ rɔ̄n yá̰a̰ tun̄ tə́ nja kógə̄ḿ kadə̄ gír gāngəń. Loo ń noō tə́ majaĺ yājí i kə kun kɔ̄ɔ́ dɔjí tə́ adə̄ jə-téliī de kə́ kɔr̄ kam̄ tām̄ yā Nə́ɓā gə̄ tə́.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

HEBƏRO 8:3

Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

MATIYE 11:3

Anī əla ngé ndóō yá̰a̰ yān gə̄ rɔ̄n tə́ kadə̄ aw̄ dəjenən̄ na ké ni n i nge ń kadə̄ reē ní aké kə n-ngóōn̄ i de kə́ rang ɓáý wa.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

Najə̄ kə́ Majə yā Jeju ń Luk ndang ní 7:19

əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

IJAI 40:16

Dā̰ kə́ Liban tə́ gə̄ malang gə̄gē asən̄ kadə̄ deē adə̄ń Kɔ́ɔ̄ɓē yá̰a̰ tun̄ kə́ majə tām̄ yān tə́ alé. Kāgə̄ gə̄ malang kə́ Liban tə́ gə̄gē asən̄ kadə̄ deē rāań hor dɔ loo tun̄ yá̰á̰ tə́ alé.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

HEBƏRO 10:8

Najə̄ ń ni-əda kété ní n toó: Ḭ̄ ī-ndigə yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, yá̰á̰ tun̄ kə́ róō horoó aĺ ō, yá̰á̰ kə́ tun̄ tām̄ yā majaĺ tə́ aĺ ō, yá̰a̰ gə̄ ń noō nelī alé. Tá i ndū najə̄ n mēr̄ ndējə̄ yá̰á̰ kə́ tun̄ gə̄ ń noō malang ní.