HEBƏRO 10:4 - Bibəl ta Sar̄

⁴ Tɔdɔ̄ mósə man̄g kə́ bəra gə̄ ō, bal bə̄yā̰ gə̄ ō, asə kun majaĺ kɔ̄ɔ́ alé.

Bible sar

⁴ Tɔdɔ̄ mósə man̄g kə́ bəra gə̄ ō, bal bə̄yā̰ gə̄ ō, asə kun majaĺ kɔ̄ɔ́ alé.

HEBƏRO 10:4 Referans Kwoze

HEBƏRO 10:11

Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

Makətūbə̄ ń Pol ndang adə̄ Rom gə̄ ní 11:27

I nge ń noō n i madə̄ naā yāḿ kə́ sedə́ dan ń m-ā m-ɔ̄r̄ yá̰á̰ kə́ majaĺ yādə́ gə̄ kɔ̄ɔ́ ní.

HEBƏRO 10:8

Najə̄ ń ni-əda kété ní n toó: Ḭ̄ ī-ndigə yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, yá̰á̰ tun̄ kə́ róō horoó aĺ ō, yá̰á̰ kə́ tun̄ tām̄ yā majaĺ tə́ aĺ ō, yá̰a̰ gə̄ ń noō nelī alé. Tá i ndū najə̄ n mēr̄ ndējə̄ yá̰á̰ kə́ tun̄ gə̄ ń noō malang ní.

HEBƏRO 9:9

Nge ń noō i ndíĺ yá̰á̰ kə́ ɔjə dɔ kum mbang kə́ ngɔlaā ń toō. Ndíĺ yá̰á̰ ní ɔjə kadə̄ karī gə̄ ō, dā̰ kə́ tɔ̄l̄ ba tun̄ kadə̄ Nə́ɓā ō ní, asən̄ rāā kadə̄ kem nge rāā kəla kadə̄ Nə́ɓā tītə̄ ń noō majə ɔtə kə taá alé.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

MARK 12:33

Ba kadə̄ deē tárən kə kemənneé malang ō, kə gír kə́ kemən tə́ malang ō, kə tɔ́gəneé malang ō, kadə̄ ni-tár madə̄n tītə̄ ngarān̄g kum rɔ̄n nəkɔ́ ō, ń toō tɔȳ yá̰a̰ tun̄ kə́ róōn̄ horó kə yá̰a̰ tun̄ gə̄ malang.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

HEBƏRO 10:1

Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.