HEBƏRO 10:11 - Bibəl ta Sar̄

¹¹ Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

Bible sar

¹¹ *Ngé tun̄ yá̰a̰ gə̄ kógə̄ḿ kógə̄ḿ a ran̄ kə njdadə́ kə́ dɔɔ́ kə ndɔ̄ gə̄ ndɔ̄ gə̄ yā rāań kəla yā Nə́ɓā. I *yá̰a̰ tun̄ kə́ kógə̄ḿ beē nəkɔ́ ń noō n nin̄ a ndējə̄n̄ ngándáńg ní, banī yá̰a̰ tun̄ ní asə kun majaĺ kɔ̄ɔ́ alé.

HEBƏRO 10:11 Referans Kwoze

HEBƏRO 10:4

Tɔdɔ̄ mósə man̄g kə́ bəra gə̄ ō, bal bə̄yā̰ gə̄ ō, asə kun majaĺ kɔ̄ɔ́ alé.

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

TƏ́DA 28:3

Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

IJAI 1:11

Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.

HEBƏRO 10:1

Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.

DANIEL 12:11

Əla gír kum mbang ń deē a asəń ndējə̄ Nə́ɓā yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

DANIEL 9:21

Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā yá̰a̰ tun̄ kə́ loo tíbí tə́.

DANIEL 8:11

Ni bo bátə́ ugə̄ rɔ̄ ngār yā de kə́ dɔ rā̰ tə́ gə̄ tə́. Adə̄ yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ táĺ yān tū tə́ ní loo kə́ karī tə́ ō.

EJEKIEL 45:4

Loo ngeé ń noō i kə́ táĺ, tɔdɔ̄ ɔrə̄n̄ kamən tām̄ yā ngé tun̄ yá̰a̰ gə̄ ń a rāān̄ kəla kem loo kə́ táĺ tə́ ní. A rāān̄ kújə yādə́ gə̄ i dɔ nang ngeé ń toō tə́ ō, a ngɔ̄mə̄n̄ loo ní i tām̄ yā loo kə́ yā ɓōĺ gidə tə́ ō.

TƏ́DA 29:6

Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 28:24

Ā ī-ndējī Kɔ́ɔ̄ɓē yá̰a̰ kəsa kə́ róō horoó kə dɔ ndɔ̄ kə́ sīrí gə̄ ń noō kadə̄ sēēn sɔl̄ kemən. Ā ī-ndējīdə́ i yā kərōń dā̰ kə́ tun̄ kə dɔ ndɔ̄ gə̄ ō, kasə nduú kə́ tə́te dɔ tə́ ō.

Teē Ngán Israel gə̄ 29:36

Ā ī-tɔ̄l̄ man̄g kə́ bəra kə dɔ ndɔ̄ gə̄ tām̄ yā majaĺ tə́, yā rāań yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́. Ā ī-ndējə̄ Nə́ɓā yá̰a̰ tun̄ kə́ tām̄ yā majaĺ tə́ dɔ loo tun̄ yá̰á̰ tə́ ō, ā ī-rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́ dɔ tə́ ō, ā úr yibə̄ dɔ loo tun̄ yá̰á̰ tə́ yā kɔrə̄ń kamə̄n tayā ō.

MISE 6:6

Dan ń m-ɔ́sə kejəḿ nang tə́ no Kɔ́ɔ̄ɓē ń i Nə́ɓā kə́ dɔɔ́ sa̰y tə́ ní, yá̰á̰ ń kadə̄ m̄-ndējə̄ ní i rí? Kə m̄-ndējə̄n i duĺ man̄g kə́ bəra gə̄ ō, kə m̄-róōdə́ horoó kə taá malang yá̰a̰ tun̄ tə́ ō a?

HEBƏRO 8:2

Ni-rāā kəla kem kújə yā Kɔ́ɔ̄ɓē tə́, kumən na i kem kújə tandā kə́ rɔ̄kum ń i Kɔ́ɔ̄ɓē n i nge kudən ba i deē ndul alé ní tə́.

HEBƏRO 8:4

Nə́ngētə́ gēé Kərist i dɔ nang tə́ laā anī, ni a tél nge tun̄ yá̰a̰ alé. Tɔdɔ̄ ngé tun̄ yá̰á̰ kə́ ngé kadə̄ Nə́ɓā yá̰a̰ ndējə̄ kə gō ndū najə̄ gə̄ ndin̄ laā kɔ̄ɔ́ ɓá.