HEBƏRO 10:1 - Bibəl ta Sar̄

¹ Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.

Bible sar

¹ *Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ *yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.

HEBƏRO 10:1 Referans Kwoze

HEBƏRO 8:5

Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

HEBƏRO 9:11

Banī Kərist i tītə̄ ngol ngé tun̄ yá̰a̰ gə̄, yā kadə̄jí yá̰á̰ kə́ majə gə̄ ń a reēn̄ ní. Kújə tandā ń ni-mān̄ kemeé ní, i kújə tandā kə́ bo ngá̰ý tɔȳ ō, kə́ majə ngá̰ý tɔȳ ō, i de gə̄ n rāān̄ kújə ní kə jīdə́ alé. Kumən na kújə́ ní i kújə́ kə́ dɔ nang tə́ laā alé.

KOLOSƏ 2:17

Yá̰a̰ gə̄ ń noō malang i ndíĺ yá̰á̰ ń kadə̄ a reē ɓáý ní, ba ngarān̄g kum yá̰á̰ i Kərist.

HEBƏRO 9:23

Ré ndíĺ yá̰a̰ gə̄ kə́ dɔ rā̰ tə́ ní a tə́gon̄də́ kadə̄ unjə̄ njáý njáý anī, i gáŕ kadə̄ kɔ̄r̄ kum yá̰a̰ gə̄ kə́ dɔ rā̰ tə́ ní, a tə́gon̄də́ kadə̄ unjə̄n̄ njáý njáý i kə yá̰a̰ tun̄ kə́ majə tɔȳ ngé gə̄ ń noō.

HEBƏRO 9:25

Ngol ngé tun̄ yá̰a̰ gə̄ ní udə kem loo kə́ táĺ tə́ kə dɔ ɓāl̄ gə̄ i kə mósə dā̰á̰. Banī Kərist udə kemeé i yā kadə̄ rɔ̄n nəkɔ́ yá̰a̰ tun̄ tə́ kə̄ nja naā tə́ alé.

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

HEBƏRO 7:11

Kəla tun̄ yá̰a̰ yā gír kaa Lebi gə̄ kə gō ndū najə̄ ń adə̄n̄ ngán Israel gə̄ ní. Ba ré kəla ń toō a teē yá̰á̰ kə́ majə ɔtə̄ kə taá ta kum Nə́ɓā tə́ anī, i tām̄ rí tə́ á Nə́ɓā rāā kadə̄ nge tun̄ yá̰á̰ kə́ rang i kə gō jī loo rāā kəla yā Melkisedek tə́ reē? Nge tun̄ yá̰á̰ kə́ rang reē i gō kəla tun̄ yá̰a̰ yā Aaro̰ tə́ alé ba i kə́ gō kəla tun̄ yá̰a̰ yā Melkisedek tə́ ní?

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

LEBI GƏ̄ 9:16

Ni-ndējə̄ dā̰ kə́ jōó gə̄ yā róō horoó ní ō, tun̄ kə gō ń Kɔ́ɔ̄ɓē ədań ní ō.