HEBƏRO 1:9 - Bibəl ta Sar̄

⁹ Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

Bible sar

⁹ Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí *ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

HEBƏRO 1:9 Referans Kwoze

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

PĀ GƏ̄ 23:5

Ī-rāā yá̰a̰ kəsa ə̄ndā noḿ mā tə́, ta kum madə̄ ba̰ā̰ḿ gə̄ tə́. ī-tə́te yibə̄ kə́ otə mbo̰o̰ dɔḿ tə́, ḭ̄ ī-rāā adə̄ yá̰á̰ kə́ kem kál yāḿ tə́ rosə rerep.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

PILIPƏ 2:9

I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō, əndā rī kə́ tɔȳ gotə rī gə̄ malang dɔn tə́ ní ō.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

1 KORḚNTƏ 1:9

Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

JA̰A̰ 1:41

Deē ń Andəre əngen kété ní i Simo̰, anī ni-əda ngōkó̰o̰n na n-əngen̄ Mesi. Mesi kə ta ɓē yādə́ ní kumən na i Kərist.

PĀ GƏ̄ 119:128

Yá̰a̰ gə̄ malang ń ī-ra kə de gēé ta rāā ní m-á̰a̰ kadə̄ i yá̰á̰ kə́ gōtə́ gə̄. Róbə sor̄ gə̄ malang ní nelə̄m̄ sedə́ aĺ bátə́.

PĀ GƏ̄ 119:104

m̄-tél de kə́ nge kəndā ma̰ȳ yá̰á̰ ngá̰ý i kə ta kūl̄ yá̰a̰ gə̄ ń ī-ra kə de gēé ta rāā ní. I tām̄ najə̄ ń noō tə́ n m̄-mbātə́nń kun róbə sor̄ ní.

PĀ GƏ̄ 89:20

Ndɔ̄ kógə̄ḿ tə́ ī-teē ta kum deē yāí gə̄ tə́ ba ə́dádə́ na: m̄-rāā kə de kə́ əhɔ rɔ̄n tɔgə, m-ɔ́sə balsáá kógə̄ḿ kə́ dan gír deē yāḿ gə̄ tə́ kə̄ dɔɔ́.

PĀ GƏ̄ 33:5

Ni gḛy i yá̰á̰ kə́ rāā kə́ gōtə́, ō yá̰á̰ kə́ súmūú ō. Kem majə yā Kɔ́ɔ̄ɓē taā loo dɔ nang tə́ malang.

JEJU TEĒ KUM JA̰A̰ 2:15

Tá ɓáý to̰ ní, ngé ndóō yá̰a̰ yā Nikolaitə tə́ gə̄ i ɓēé looí ō.

2 KORḚNTƏ 11:31

Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

JAKARI 8:17

Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

PĀ GƏ̄ 89:26

M-ā m-ādə̄ a o̰o̰ ɓē dɔ bā bo tə́, m-ā m-ə́la bā gə̄ gír jī ko̰n tə́.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

HEBƏRO 2:11

Jeju nge kɔ̄r̄ kam̄ de gə̄ tām̄ yā Nə́ɓā tə́ ō, ngé gə̄ ń ni-ɔr̄ kam̄də́ tām̄ yā Nə́ɓā tə́ ō ní, ni gē nin̄ gē ní, bɔbə̄də́ i kógə̄ḿ beē. I tām̄ najə̄ ń toō tə́ n rɔ̄n sɔlə̄n loo ɓāŕdə́ ngákó̰o̰n gə̄ tə́ aĺ ní.

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.

JA̰A̰ 10:17

Bɔbə́ḿ tárəm̄ i tām̄ kadə̄ kə́ m-ādə̄ rɔ̄ḿ, i tɔdɔ̄ m-ādə̄ rɔ̄ḿ yā kadə̄ m̄-tél m̄-taā ɓáý.

KƏLA RĀĀ 4:26

Mban̄g kə́ dɔ nang tə́ gə̄ ḭḭn̄ kə rɔ̄ɔ́ ō, ngar̄ gə̄ ɓoon̄ naā dɔ Kɔ́ɔ̄ɓē tə́ ō, dɔ Kərist yān tə́ ō.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.