HEBƏRO 1:8 - Bibəl ta Sar̄

⁸ Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

Bible sar

⁸ Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

HEBƏRO 1:8 Referans Kwoze

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

PĀ GƏ̄ 145:13

Ko̰o̰ ɓē yāí i ko̰o̰ ɓē kə́ to ngándáńg ō, ā ī-ndi dɔ de gə̄ tə́ i kə dɔ ɓāl̄ gə̄ malang ō. Nə́ɓā i nge kəda najə̄ kə́ rɔ̄kum. Ni i de ké nge ra dɔ ndūn tə́ tū yá̰a̰ rāān gə̄ tə́ malang.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

1 KORḚNTƏ 15:25

Tɔdɔ̄ i gáŕ kadə̄ ni-o̰o̰ ɓē bátə́ kadə̄ Nə́ɓā tetə madə̄ ba̰ā̰n gə̄ malang rɔ̄ɔ̄, ba əladə́ gír njan tə́.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

NDŪ NAJƏ̄ 2:37

I dɔ nang yā ngán Amon gə̄ ngóy n j-ugī tū tə́ aĺ ní. Adə̄ i dɔ gɔ́sə man̄ Yabok malang ō, ɓē gə̄ kə́ dɔ mbalá ō, loo malang ń Kɔ́ɔ̄ɓē Nə́ɓā ɔgə̄jí ní ō n j-ugī tū tə́ aĺ ní.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 10:33

Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEREMI 38:15

Jeremi tél əda Sedekias na: Ré m-ə́daī najə̄ kə́ rɔ̄kum anī, ā ī-tɔ̄lə̄m̄ ō, ré m-ādī kɔjə̄ anī, ā ōō aĺ ō.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

PĀ GƏ̄ 72:7

Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

NDŪ NAJƏ̄ 7:14

A rāā majə sesí ngá̰ý tɔȳ yā gír de kə́ rang gə̄. De kə́ dəngam aké de kə́ dəyá̰ kə́ kujə a gətóo dɔ dáńsí tə́. Yá̰a̰ kul̄ yāsí kə́ kujə a gətóo.

2 PIYER 1:11

Tɔdɔ̄ i tītə̄ ń noō n a rāān̄ majə sesí, adə̄ a adə̄n̄sí ta róbə kudə kem Ɓē ko̰o̰ kə́ a to ngándáńg tə́ ní. Ɓē ko̰o̰ ní i yā Jeju Kərist ń ni i Kɔ́ɔ̄ɓē yājí ō, nge kajəjí ō ní.

Najə̄ kə́ Majə yā Jeju ń Luk ndang ní 1:75

Kadə̄ ta kumən tə́ ɓáa jḭḭ i de kə́ táĺ gə̄ ō, kə́ gōtə́ gə̄ ō, kə dɔ ndɔ̄ gə̄ malang ń jə-ndiń kə kumjí ní.