HEBƏRO 1:7 - Bibəl ta Sar̄

⁷ Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

Bible sar

⁷ Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

HEBƏRO 1:7 Referans Kwoze

PĀ GƏ̄ 104:4

Ni-rāā nél i ngōmbang kəla yān tə́ ō, rāā ta ndo̰ hor i de kə́ bo yān gə̄ tə́ ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

2 MBAN̄G 6:17

Gō tə́ anī Elije ndɔ̄ȳ Nə́ɓā, əda na: Ɓɔ́, Kɔ́ɔ̄ɓē, ī-teē kumən ādə̄ a̰a̰ loo! Kɔ́ɔ̄ɓē teē kum nge kəla yā Elije. Anī ni-a̰a̰ sə́nda gə̄ ō, púsə hor gə̄ ō, gīrə̄n̄ gidə Elije, taān̄ loo dɔ mbalá malang.

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.

DANIEL 7:10

Hor kógə̄ḿ kə́ to tītə̄ bā beé a əɓa non tə́ ō, a nūgə́ non tə́ ō. De gə̄ dūbú nja dūbú ra a rāān̄ kəla yān. De gə̄ dūbú kutə nja dūbú kutə ran̄ non tə́. Sarya əla gír adə̄ teēn̄ makətūbə̄ gə̄.

IJAI 6:2

Serubḛ gə̄ kə́ nin̄ i hor gə̄ ran̄ dɔn tə́ dɔɔ́. Nin̄ kógə̄ḿ kógə̄ḿ ní bɔ̄gə̄də́ gə̄ i mehḛ́ mehḛ́: Kə́ jōó gə̄ a utə̄n̄nəń i ta kumdə́ ō, kə́ jōó gə̄ a utə̄n̄nəń i gidə rɔ̄də́ kə́ ta kaw̄ nang tə́ ō, kə́ jōó gə̄ i yā kḭḭń bɔ̄gə̄ ō.

TA KƏLA 3:24

Kɔ́ɔ̄ɓē Nə́ɓā tə̄ɓādə́ kɔ̄ɔ́ ba əndā de kə́ dɔ rā̰ tə́ gə̄ kə́ ngé ngɔ̄m̄ loo gə̄ ta ndɔr̄ kə́ Eden tə́, dām̄ kə́ dūn̄ ɓē tə́, kə kaskar kə́ to tītə̄ ndo̰ hor kə́ tūr̄ gidə naā tə́, kadə̄ ngɔ̄mə̄n̄ ta róbə́ kə́ yā kaw̄ń kə̄ rɔ̄ kāgə̄ kə́ deē əsa anī a ndi kə kumuú ní tə́.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.