HEBƏRO 1:4 - Bibəl ta Sar̄

⁴ Ngōn̄ Nə́ɓā tél de kə́ bo ngá̰ý tɔȳ de kə́ dɔ rā̰ tə́ gə̄, tɔdɔ̄ ənge rī kə́ majə ngá̰ý tɔȳ yādə́.

Bible sar

⁴ Ngōn̄ Nə́ɓā tél de kə́ bo ngá̰ý tɔȳ *de kə́ dɔ rā̰ tə́ gə̄, tɔdɔ̄ ənge rī kə́ majə ngá̰ý tɔȳ yādə́.

HEBƏRO 1:4 Referans Kwoze

EPEJƏ 1:21

Ni-əndān dɔ ngé ko̰o̰ ɓē gə̄ tə́ ō, dɔ tɔ́gə gə̄ tə́ ō, dɔ kɔ́ɔ̄ ɓē gə̄ tə́ ō, dɔ rī gə̄ tə́ malang ō, adə̄ i rī gə̄ kə́ dɔ nang ń toō tə́ ō, kə́ dɔ nang kə́ kijə kə́ ndɔ̄ń tə́ tə́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

2 TESALONIK 1:7

Ba kadə̄ sḭḭ̄ ń rāān̄sí yá̰á̰ kə́ tōr̄ ní, ni-rāā adə̄ ɔ̄rī koō naā tə́ sejí, ndɔ̄ téĺ Kɔ́ɔ̄ɓē Jeju tə́, kə deē yān gə̄ kə́ dɔ rā̰ tə́ kə́ tɔ́gə́də́ i ngá̰ý.

KOLOSƏ 2:10

Ba sḭḭ̄ ə́ngeī yá̰a̰ malang kə ta kūl̄ Kərist. Ni i dɔ ngé ko̰o̰ ɓē gə̄ tə́ malang ō, dɔ ngé tɔ́gə gə̄ tə́ malang ō.

KOLOSƏ 1:18

I ni ɓáý to̰ n i dɔm dɔ Egəlijə ń rāā rɔ̄n i gotə rɔ̄n gə̄ tə́ ní. Ni i ta kəla gír yá̰a̰ malang ō, i ni n ndól̄ kété dan de kə́ koy gə̄ tə́ ní ō, yā kadə̄ ni i kété tū yá̰a̰ gə̄ tə́ malang.

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

HEBƏRO 12:17

Ī-gerī kadə̄ gō tə́ ɓáa, ni-gḛy kadə̄ bɔbə̄n tɔ́r̄ tan dɔn tə́ tām̄ ni i ngōn̄ hágən ní, mbātə́nən̄ kɔ̄ɔ́, adə̄ ká ní sāā tūr̄ kem ndigə yā bɔbə̄n kə man̄ noó kumən tə́ gə̄gē anī, ənge loon alé.