HEBƏRO 1:2 - Bibəl ta Sar̄

² Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

Bible sar

² Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

HEBƏRO 1:2 Referans Kwoze

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

JA̰A̰ 1:3

Yá̰a̰ malang i kə́ rāā kə ta kūl̄ Najə̄ ní, adə̄ yá̰á̰ kógə̄ḿ kə́ teē kanjə̄n ni gətóo.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

HEBƏRO 11:3

I kə ta kūl̄ taā kem n jə-gerīiń kadə̄ Nə́ɓā əndā dɔ rā̰ ō dɔ nang ō, yá̰a̰ malang kə́ tū tə́ ō i kə ta kūl̄ najə̄ kə́ tan tə́ ní. Adə̄ yá̰á̰ ń deē a̰ā̰ kə kumneé ní, rāān̄ i kə yá̰a̰ gə̄ kə́ deē a̰a̰də́ kə kumneé alé.

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

MATIYE 26:63

Banī Jeju ndi kə tan kə́ mbóó. Anī ngol ngé tun̄ yá̰a̰ gə̄ ədan na: m̄-dəjeī kə rī Nə́ɓā kə́ ndi kə kumneé, ré i ḭ̄ n i Kərist, adə̄ ḭ̄ i Ngōn̄ Nə́ɓā, anī ə́dájí.

MATIYE 21:38

Banī dan ń ngé ndɔr̄ gə̄ ní a̰a̰n̄ ngōnən anī, ədan̄ naā na deē ń ndɔ̄ń tə́ a tél kɔ́ɔ̄ loo ní ni n toó, ādə̄ jə-tɔ̄l̄niī ba jə-taāī loo yān ní jīn tə́.

HEBƏRO 5:8

Ni i Ngōn̄ Nə́ɓā ɓá tā, banī ndóō koō ta Bɔbə̄n i kə ta kūl̄ yá̰á̰ kə́ tōr̄ gə̄ malang ń rāān ní.

EPEJƏ 1:10

dan ń ndɔ̄ gə̄ a asən̄neé ní. Loo ń noō tə́ ni a əla dɔ yá̰a̰ malang, kə́ dɔ rā̰ tə́ gə̄gē, kə́ dɔ nang tə́ gə̄gē, gíŕ tɔ́gə yā Kərist tə́.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

HEBƏRO 7:3

Deē ger̄ bɔbə̄n aĺ ō, kó̰o̰n aĺ ō, kaan aĺ ō. Deē ɔr̄ najə̄ kə́ dɔ kojən tə́ aĺ ō, kə́ dɔ koyn tə́ aĺ ō. Ni to tītə̄ Ngōn̄ Nə́ɓā beé, adə̄ ni-ndi nge tun̄ yá̰á̰ ngándáńg.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

HEBƏRO 1:5

I náā kə́ dan de kə́ dɔ rā̰ tə́ gə̄ tə́ n Nə́ɓā ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí. Tá ni-əda najə̄ ń toō dɔ deē kógə̄ḿ kə́ dɔ rā̰ tə́ alé: Ndɔ̄ń tə́ anī ni a rāām̄ i Bɔbə̄n tə́ ō, mā m-ā m̄-rāān i Ngōnə̄ḿ tə́ ō.

EPEJƏ 3:9

Loo rāā ń Nə́ɓā a rāā yá̰a̰ yān gə̄ kə́ ton̄ loo mundə̄ tə́ ní, majə kadə̄ m̄-teēń kə̄ ndágá tām̄ yā deē ndul gə̄ tə́ malang. Ni ń i nge rāā yá̰a̰ malang ní, yá̰á̰ ń toō ń ni-núm̄ rāā ní ɓɔ̄ɔ̄ dɔ i jóo.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

JEREMI 30:24

Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

JA̰A̰ 16:15

Yá̰a̰ yā Bɔbə́ḿ malang i yāḿ. I tām̄ najə̄ ń noō tə́ n m-ə́da na ni a taā dām̄ yá̰á̰ yāḿ yā kədasí ní.

MARK 12:6

Ba na̰y i deē kógə̄ḿ ɓáý rɔ̄n tə́, i ngōn̄ kó tár yān kə́ dəngam, adə̄ dan ń nin̄-təgān̄ malang ní, ni əlan rɔ̄də́ tə́. Əda na nin̄ a ɓōlə́n̄ ndíĺ ngōnən ń toō.

MARK 1:1

Ta kəla gír Najə̄ kə́ Majə yā Jeju Kərist Ngōn̄ Nə́ɓā.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

NDŪ NAJƏ̄ 31:29

Tɔdɔ̄ m̄-ger̄ kadə̄ ré m-óy kɔ̄ɔ́ anī, ngán Israel gə̄ a rāān̄ yá̰a̰ majaĺ ō, a əya̰n̄ róbə́ ń m-ɔ́jə́də́ ní kɔ̄ɔ́ ō. Ta tɔ̄l̄ ta anī yá̰á̰ kə́ to kum kaȳ aĺ a reē dɔdə́ tə́, tām̄ yá̰á̰ kə́ majaĺ ń rāān̄ adə̄ rɔ̄ Kɔ́ɔ̄ɓē nelə̄n aĺ ō, wōn̄g rāān ō ní tə́.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

JA̰A̰ 3:25

Anī ngé ndóō yá̰a̰ yā Ja̰a̰ gə̄ nējə̄n̄ naā najə̄ kə Jipə kógə̄ḿ dɔ najə̄ tə́go rɔ̄ kə́ majaĺ tákə̄ tə́,

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

MATIYE 13:39

Madə̄ ba̰ā̰ kə́ nge dubə̄ kum bar̄ ní, i diabəl. Ndɔ̄ kəja kōō, i ta ngóy ndɔ̄ gə̄. Ba ngé kəja kōō gə̄, i de kə́ dɔ rā̰ tə́ gə̄.

MARK 12:7

Banī ngé ndɔr̄ gə̄ ní ədan̄ naā dɔ dáńdə́ tə́ na: Á̰a̰ī nge kán̄ ta yá̰a̰ gotə yo ní n toó. Ī-reēī, jə-tɔ̄līin̄ ɓáa, yá̰a̰ gotə yo ní a tél yá̰a̰ yājí.

JA̰A̰ 1:10

Ni i dɔ nang tə́ kété ō, de kə́ dɔ nang tə́ gə̄ ndin̄ i kə kūl̄neé ō, banī de kə́ dɔ nang tə́ gə̄ ger̄nən̄ alé.

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

JA̰A̰ 5:27

Ba ni-adə̄n tɔ́gə kadə̄ gāngə̄ń sarya tām̄ ni i Ngōn̄ Deē.

JA̰A̰ 9:29

Jə-ger̄ kadə̄ Nə́ɓā ɔr̄ najə̄ kə Moijə ba deē ń noō jə-ger̄ loo ń ni ḭḭ tū tə́ ní alé.

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

HEBƏRO 4:14

I beé ní, adə̄ j-əhɔī taā kem ń j-ɔjiī najə̄n ní adə̄ ngan̄g, tɔdɔ̄ j-awī kə ngol ngé tun̄ yá̰a̰ gə̄ kə́ tɔ́gən i ngá̰ý, kə́ aw̄ bátə́ ugə̄ rɔ̄ Nə́ɓā tə́, adə̄ i Jeju, ni i Ngōn̄ Nə́ɓā.

HEBƏRO 7:28

Ndū najə̄ yā Moijə əndā de kə́ majə ɔtə̄ kə taá aĺ gə̄ ngol ngé tun̄ yá̰a̰ gə̄ tə́. Banī túbə̄ ń Nə́ɓā túbə ənīń ndūn ní, reē i gō ndū najə̄ tə́. Adə̄ Ngōn̄ ń rāānən̄ adə̄ ni-tél de kə́ majə ɔtə kə taá kə́ njɔ́ḿ tə́ ní, túbə́ ngeé ń toō əndān ngol ngé tun̄ yá̰a̰ gə̄ tə́.

JA̰A̰ 13:32

Nə́ɓā a ɔsə gɔn Ngōn̄ Deē kemən nəkɔ́ Nə́ɓā tə́, ba na̰y i ngɔr kadə̄ a ɔsə gɔnən.