HEBƏRO 1:13 - Bibəl ta Sar̄

¹³ Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

Bible sar

¹³ Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

HEBƏRO 1:13 Referans Kwoze

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

MARK 12:36

Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

MATIYE 22:44

Kɔ́ɔ̄ɓē əda Kɔ́ɔ̄ɓē yāḿ na kə reē kə ndi dɔ jī ko̰n tə́, bátə́ kadə̄ n-əlań ngé ba̰ā̰n gə̄ gír njan tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

Najə̄ kə́ Majə yā Jeju ń Luk ndang ní 20:42

Tɔdɔ̄ Dabid nəkɔ́ əda kem makətūbə̄ Pā gə̄ tə́ na: Najə̄ ń Kɔ́ɔ̄ɓē əda Kɔ́ɔ̄ɓē gə̄ yāḿ ní n toó: Ī-ndi dɔ jī ko̰ḿ tə́,

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

JOJUE 10:24

Dan ń teēn̄ kə mban̄g kə́ mí ní reēn̄ sedə́ rɔ̄ Jojue tə́ oy anī, Jojue ɓāŕ de kə́ dəngam gə̄ malang ké Israel tə́ ba əda ngol ngé rɔ̄ɔ̄ gə̄ ń aw̄n̄ seneé rɔ̄ tə́ ní na: Ī-reē ī-tə́ndāī njasí míndə mban̄ gə̄ ń toō tə́. Ngol ngé rɔ̄ɔ̄ gə̄ ní reē tə́ndān̄ njadə́ míndə mban̄g gə̄ ní tə́.