HEBƏRO 1:11 - Bibəl ta Sar̄

¹¹ Yá̰a̰ gə̄ ní a udən̄ kɔ̄ɔ́, ba ḭ̄ ā ī-ndi kə ndɔ̄ gə̄. Dɔ nang ō, dɔ rā̰ ō, a əsōn̄ ngísə tītə̄ yā kūbə̄ beé.

Bible sar

¹¹ Yá̰a̰ gə̄ ní a udən̄ kɔ̄ɔ́, ba ḭ̄ ā ī-ndi kə ndɔ̄ gə̄. Dɔ nang ō, dɔ rā̰ ō, a əsōn̄ ngísə tītə̄ yā kūbə̄ beé.

HEBƏRO 1:11 Referans Kwoze

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

MARK 13:31

Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

JEJU TEĒ KUM JA̰A̰ 21:1

Gō tə́ anī m-á̰a̰ dɔ rā̰ kə́ kijə ō, dɔ nang kə́ kijə ō. Tɔdɔ̄ dɔ rā̰ kə́ kété ō, dɔ nang kə́ kété ō ní, gətóon̄ kɔ̄ɔ́ ō, bā bo gətóo kɔ̄ɔ́ ō.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

HEBƏRO 12:27

Najə̄ ń na i nja kógə̄ḿ ɓáý to̰ ní, ɔjə kadə̄ yá̰á̰ kə́ to yéȳ gə̄ ń Nə́ɓā rāā ní, a gətóon̄ kɔ̄ɔ́, banī kə́ to yéȳ aĺ gə̄ a ton̄ ta kaw̄ jóo.

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

PĀ GƏ̄ 10:16

Kɔ́ɔ̄ɓē i mban̄g ngándáńg, nápar de kə́ rang gə̄ a gətóon̄ kɔ̄ɔ́ kem ɓē yān tə́.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

IJAI 50:9

A̰á̰ā̰ Kɔ́ɔ̄ɓē Nə́ɓā reē dḭḭ̄m̄. Ní, i náā n asə gān̄g sarya dɔḿ tə́? Madə̄ ba̰ā̰ḿ gə̄ a əsōn̄ ngísə malang tītə̄ kūbə̄ kə́ yō̰ gə̄ əsan̄ beé.

IJAI 41:4

Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

IJAI 51:8

Yō̰ gə̄ a əsan̄də́ tītə̄ loo kəsa kūbə̄ beé ō, kur̄ gə̄ a əsan̄də́ tītə̄ loo kəsa bḭḭ̄ batə̄ kə́ yā kəjō kūbə̄ tə́ beé ō. Banī kajə ń m̄-reēń ní ta tɔ̄l̄ tan a gətóo ō, teē ɓəloó a to tām̄ yā de gə̄ malang ń a ojən̄də́ kem ɓāl̄ gə̄ ń a reēn̄ tə́ ní ō.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

HEBƏRO 8:13

Dan ń Nə́ɓā ɔr̄ najə̄ yā madə̄ naā kə́ kijə ní, ni-əhɔ madə̄ naā kə́ ta kəga dɔ i madə̄ naā kə́ jóó tə́. Ba yá̰á̰ kə́ jóo i yá̰á̰ kə́ a tɔgə ɓə́gá ō i yá̰á̰ kə́ a gətóo kɔ̄ɔ́ ngɔr ō.