HEBƏRO 1:1 - Bibəl ta Sar̄

¹ Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

Bible sar

¹ Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ *ngé koō ta gēé.

HEBƏRO 1:1 Referans Kwoze

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

KƏLA RĀĀ 2:30

Banī ni i nge koō ta ō, ger̄ kadə̄ Nə́ɓā túbə ənīń míndən adə̄n yā kəndā ngōn̄ kaan kógə̄ḿ dɔ kōr̄ kāgə̄ mbang yān tə́ ō.

KƏLA RĀĀ 13:32

Jḭḭ jə-reē kə Najə̄ kə́ Majə ń toō yā kədasí ō: Yá̰á̰ ń Nə́ɓā ənī míndən najə̄n tə́ adə̄ kaají gə̄ ní,

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

HEBƏRO 2:2

Tɔdɔ̄ ré najə̄ ń de kə́ dɔ rā̰ tə́ gə̄ ədan̄ ní rāā yá̰á̰ rɔ̄kum, adə̄ ngé gə̄ ń mānə̄n̄ dɔ aláa mbatə́n̄ kun gō ní, əngen̄ ndéý ń asə kadə̄ əngen̄ ní anī,

Najə̄ kə́ Majə yā Jeju ń Luk ndang ní 1:72

Əda na n-a n-ɔjə kaají gə̄ kem majə yān ō, na a əga kemən dɔ madə̄ naā yān kə́ táĺ tə́ ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

JA̰A̰ 9:29

Jə-ger̄ kadə̄ Nə́ɓā ɔr̄ najə̄ kə Moijə ba deē ń noō jə-ger̄ loo ń ni ḭḭ tū tə́ ní alé.

JA̰A̰ 7:22

Moijə adə̄sí kəja mɔtə, ba i Moijə kə dɔneé alé, i yá̰a̰ yā kaasí gə̄, adə̄ sḭḭ̄ ə́jaī mɔtə deē ndɔ̄ sabat tə́.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

TA KƏLA 6:3

Tā anī Kɔ́ɔ̄ɓē əda na: M-ā m-ādə̄ ndílə́ḿ a ndi kem deē tə́ kə ndɔ̄ gə̄ ngándáńg alé, tɔdɔ̄ deē i dā̰ rɔ̄ kə́ tɔ́gən i ngá̰ý alé, adə̄ ɓālə̄n a aw̄ ngá̰ý gē a, i ɓú kə kutə jōó ngóy.

JA̰A̰ 16:13

Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

HEBƏRO 3:5

Kə́ tām̄ yā Moijə tə́ ɓáa, ni-ra dɔ ndūn tə́ kem kújə yā Nə́ɓā tə́ kə taá malang. Ni i nge rāā kəla ō, ni i de kə́ kum tə́ yā najə̄ ń Nə́ɓā a rāā yā kəda ní ō.

HEBƏRO 4:8

Tɔdɔ̄ ré Jojue aw̄ kə ngán Israel gēé adə̄ nin̄-udən̄ tū kɔr̄ koō ní tə́ anī, Nə́ɓā a ɔr̄ najə̄ kə́ dɔ ndɔ̄ kə́ rang tə́ gō tə́ ɓáý to̰ alé.

HEBƏRO 5:5

Yā Kərist i tītə̄ ń noō ō. I nəkɔ́ n tél ngol ngé tun̄ yá̰a̰ gə̄ ɔsəń gɔn rɔ̄n ní alé. Ba nge ń ɔsə gɔnən ní, i Nə́ɓā ń ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí.

HEBƏRO 9:19

Tɔdɔ̄ gō ń Moijə tə́da gō míndə gə̄ kógə̄ḿ kógə̄ḿ malang kə́ kem makətūbə̄ ndū najə̄ tə́, adə̄ ngán Israel gə̄ malang ní, ni-un mósə duĺ man̄g gə̄ ō, bal bə̄yā̰ gə̄ ō, naā tə́ kə maná ō, bḭḭ̄ batə̄ kə́ kərē ō, kámbə isopə ō, sə̄kāń dɔ makətūbə̄ nəkɔ́ tə́ ō, dɔ ngán Israel gə̄ tə́ malang ō,

HEBƏRO 11:2

Nə́ɓā ndigə de kə́ kété jóo gə̄ najə̄ taā kem yādə́ tə́.

HEBƏRO 11:18

Kété ní Nə́ɓā ədan na: Ngán kaaí gə̄ ń m-ə̄nā ndūḿ yā kadī ní, ā ə́ngédə́ i kə ta kūl̄ Isaak.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?